Gwedd newydd i gwmni cig Dunbia

Diweddarwyd  
Llun o fynedfa'r lladd-dy yn Llanybydder

Dunbia

Llun: golwg360

Dyw’r fenter newydd sy’n gyfrifol am un o ladd-dai pwysica’ Cymru ddim wedi rhoi addewid un ffordd na’r llall ynglŷn â dyfodol swyddi.

Ond mae cwmni Dunbia – sydd bellach dan adain y cwmni Gwyddelig Dawn Meats – yn dweud mai’r bwriad yw cynyddu’r busnes ar draws y Deyrnas Unedig.

“Busnes fel arfer yw hi,” meddai llefarydd ar ran y fenter newydd sydd bellach yn gyfrifol am ladd-dy mawr Llanybydder a chanolfannau pacio cig yn Felin-fach, Ceredigion, a Cross Hands yn Sir Gaerfyrddin.

Swyddi – ‘busnes yn ôl yr arfer’

Pan dynnodd golwg360 sylw ynghynt eleni at y trafodaethau rhwng Dunbia a Dawn Meats, fe fu gwleidyddion lleol yn mynegi pryder am sicrwydd swyddi, yn enwedig ynglŷn â’r ddau safle pacio.

Mae llefarydd ar ran Dunbia wedi cadarnhau wrth golwg360 fod y busnes yn mynd yn ei flaen “yn ôl yr arfer ar hyn o bryd.”

Dim ond ym mis Medi y cafodd y ddau gwmni ganiatâd yr awdurdodau i uno a sefydlu’r fenter newydd, meddai, felly does dim newidiadau eto.

“Mae gan gwmni unedig newydd Dunbia uchelgais fawr i gynyddu’r busnes yn y Deyrnas Unedig, a byddwn yn sicrhau ein bod yn cynnal y gallu cywir yng Nghymru i gefnogi’r twf hwn orau gallwn ni.”

Cymeradwyo’r fenter

Dim ond nawr y mae ffermwyr lleol yn sylwi ar y newid wrth i ohebiaeth gyrraedd gyda logo’r fenter newydd sy’n dweud yn glir bod Dunbia bellach yn rhan o Dawn Meats.

Prif Weithredwr y fenter yw Jim Dobson, cyn-bennaeth Dunbia, ac mae Niall Browne, Prif Weithredwr Dawn Meats bellach yn Gadeirydd Gweithredol.

Yn Iwerddon, fe fydd Dawn Meats yn cynnal busnes Dunbia ar wahân, ond ar y cyd fe fydd y cwmnïau’n prosesu tua 900,000 o wartheg a 2.6 miliwn o ddefaid y flwyddyn yn y Deyrnas Unedig ac Iwerddon.

Cwmnïau teulu yw’r ddau fusnes – fe ddechreuodd Dunbia yng Ngogledd Iwerddon yn 1976 gydag un siop gigydd fechan o dan yr enw Dungannon Meats.

 

 

 

.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?