Llofruddiaeth cyllell a morthwyl: carcharu dyn am 23 o flynyddoedd

 
Llys y Goron yr Wyddgrug

Mae dyn a gafwyd yn euog o lofruddio dyn arall â chyllell a morthwyl wedi’i garcharu am 23 o flynyddoedd gan farnwr yn Llys y Goron Yr Wyddgrug.

Cafwyd hyd i gorff Nicholas Churton, 67, yn ei gartref yn Wrecsam ar Fawrth 27.

Plediodd Jordan Davidson, 26, yn euog i gyhuddiad o ladd ac i nifer o gyhuddiadau eraill, gan gynnwys bwrgleriaeth, lladrata, ceisio lladrata a cheisio achosi niwed corfforol difrifol i blismyn.

Roedd e wedi’i ryddhau o’r carchar ar drwydded pan laddodd Nicholas Churton, cyn-berchennog bwyty oedd ag anableddau.

Clywodd y llys ei fod e wedi bygwth y dyn yn y dyddiau cyn ei ladd a’i fod e wedi difrodi ei fflat, ac wedi anfon negeseuon at ffrindiau’n dweud ei fod yn dyheu am “hollti rhywun” â chyllell.

Dywedodd cyfreithiwr ar ran Jordan Davidson ei fod yn dioddef o salwch meddwl.

Yn dilyn yr achos, dywedodd llefarydd ar ran yr heddlu fod Jordan Davidson wedi ymosod ar nifer o blismyn wrth iddyn nhw ei arestio, a’i fod e wedi trywanu swyddog carchar yn ei wddf.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd