Her 52 – Anelu tua’r copa

Diweddarwyd am  

Elfed Gyrn Goch yn dringo’r Wyddfa bob wythnos am flwyddyn tros achos da

Llun: trwy law Elfed Williams

Mae gŵr o Drefor wedi mentro i gopa’r Wyddfa fwy na hanner cant o weithiau eleni, a’r wythnos hon bydd yn cyflawni’r ‘Her 52’.

Ers dechrau Ionawr mae Elfed Williams, neu Elfed Gyrn Goch fel mae’n cael ei adnabod, wedi dringo’r Wyddfa o leiaf unwaith yr wythnos er mwyn casglu arian at Ambiwlans Awyr Cymru.

A dydd Gwener (Rhagfyr 8), mi fydd yn mentro i’r copa unwaith eto, cyn cynnal cyngerdd y noson honno yng Nghaernarfon yng nghwmni Rhys Meirion a Tudur Owen.

Ambiwlans Awyr

Hyd yn hyn mae Elfed Williams wedi codi mwy na £11,000 tuag at yr elusen er mwyn “diolch am eu gwaith,” a hynny wedi’i i’w fab, Tomos Huw, ddioddef anafiadau difrifol bedair blynedd yn ôl.

“Heb yr Ambiwlans Awyr, basa hi wedi bod yn ddrwg iawn arno fo,” meddai.

Mae’n esbonio fod y flwyddyn ddiwethaf wedi “gwibio heibio” a’i fod yn edrych ymlaen at daith ola’r her ddydd Gwener yng nghwmni Dilwyn Morgan a Iolo Williams.

Cyngerdd

“Efallai bydd yna eira ar y top ddydd Gwener, ond rydan ni’n oce efo hynna. Gwynt cryf ydy’r peth gwaethaf,” meddai wedyn.

Mae’n edrych ymlaen hefyd at gyflwyno’r arian o’i ddeiseb i’r Ambiwlans Awyr, ac mi fydd y gyngerdd ‘Her 52’ yn cael ei chynnal yn Galeri Caernarfon nos Wener, Rhagfyr 8, yng nghwmni Tudur Owen, Dilwyn Morgan, Rhys Meirion, Sioned Terry, Piantel a Chôr Meibion Caernarfon.

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd