Galw am gynnwys Hedd Wyn ar stampiau’r Post Brenhinol

Diweddarwyd  

Cerflun Hedd Wyn ym mhentref Trawsfynydd

Llun: golwg360

Enghraifft arall o Gymru yn cael ei “hanwybyddu” gan y sefydliad Prydeinig yw absenoldeb Hedd Wyn o gasgliad stampiau Rhyfel Byd Cyntaf, meddai un o lofnodwyr llythyr agored at y Post Brenhinol – llythyr sydd yn galw arnyn nhw i fynd ati “ar frys” i’w gynnwys.

“Mae’n enghraifft bellach eto o Brydeindod yn golygu Seisnigrwydd,” meddai Myrddin ap Dafydd, prifardd a golygydd, wrth golwg360.

“Mae’r enwogion maen nhw’n dewis eu coffáu ar ein harian papur, ac ar ein stampiau – yn gyffredinol maen nhw’n anwybyddu pob diwylliant arall heblaw’r diwylliant Seisnig.”

“Er ein bod nhw’n honni ein bod ni’n Deyrnas Gyfunol, dydi hynny ddim yn cael ei amlygu, hyd yn oed mewn pethau bach fatha stampiau ac arian papur. Ac, yn sicr, nid mewn pethau llawer iawn pwysicach.”

Y llythyr

Mae’r llythyr – sy’n cael ei gyhoeddi yn rhifyn yr wythnos hon o gylchgrawn Golwg – yn nodi bod cynrychioli’r bardd yn “hollbwysig” ac yn honni bod y Post Brenhinol wedi penderfynu “gwrthod” ei gynnwys.

“Yr ydym ni, sydd wedi llofnodi isod, yn gresynu at benderfyniad y Post Brenhinol i wrthod cyhoeddi stamp sy’n coffáu’r bardd-filwr Hedd Wyn,” meddai’r llythyr.

“Galwn ar Moya Greene, Prif Swyddog Gweithredol y Post Brenhinol, i ailystyried a hynny ar frys.”

Y llofnodwyr

Myrddin ap Dafydd, Catrin Dafydd, Jason Walford Davies, Sonia Edwards, Siôn Eirian, Endaf Emlyn, Annes Glyn, Gwyn Griffiths, Hywel Griffiths, Bleddyn Owen Huws, Dafydd Huws, Martin Huws.

Christine James, E Wyn James, Aled Llion Jones, Alwyn Harding Jones, Cyril Jones, John Gruffydd Jones, Aneirin Karadog, Jim Parc Nest, Manon Rhys, Geraint Lloyd Owen, Dr Cen Williams, Gerwyn Wiliams.

Harri Parry, Angharad Price, William Owen Roberts, Dr Francesca Rhydderch, Eurig Salisbury, Michael Sheen, Cathryn Charnell-White, Gruffydd Aled Williams a Manon Wyn Williams.

Stampiau

Mae’r bardd Gwyddelig, Francis Ledwidge, a fu farw’r un diwrnod a Hedd Wyn, eisoes wedi ymddangos ar gyfres o stampiau yng Ngweriniaeth Iwerddon.

Er i fardd y gadair ddu gael ei esgeuluso o’r casgliad, mae’r milwr o Geredigion, Lemuel Thomas Rees, wedi ei goffáu ar ffurf delwedd o Feibl.

Mae golwg360 wedi gofyn i’r Post Brenhinol am ymateb.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd