Ail gwest i farwolaeth milwr yng ngwersyll Deepcut

Diweddarwyd am  

Barics Deepcut yn Surrey

Llun: Ron Strutt, CC BY-SA 2.0, https://commons.wikimedia.org

Mae teulu milwr o ddwyrain Llundain wedi ennill cais am ail gwest i farwolaeth bachgen 17 oed yng ngwersyll Deepcut yn Surrey yn 2001.

Cafodd Geoff Gray o Hackney ei ganfod yn farw gyda dau anaf gwn yn ei ben ym mis Medi 2001.

Yn dilyn y cwest gwreiddiol, dyfarnodd y crwner reithfarn agored heb gasgliad naratif, ac mae’r teulu wedi llwyddo i ennill hawl drwy’r Uchel Lys am gwest newydd wrth i dystiolaeth newydd ddod i law.

Cheryl James – Llangollen

Cafodd ail gwest ei gynnal hefyd i farwolaeth Cheryl James, 18 oed o Langollen, gafodd ei chanfod yn farw yng ngwersyll Deepcut yn 1995. Fe ddyfarnodd yr ail gwest ym mis Mehefin y llynedd bod Cheryl James wedi lladd ei hun.

Yn ogystal, mae disgwyl i ail gwest i farwolaeth y milwr Sean Benton o Sussex gael ei gynnal yn y flwyddyn newydd wedi iddo gael ei ganfod yn farw yn y gwersyll yn 1995.

Rhwng 1995 a 2002 bu farw pedwar milwr ifanc o anafiadau gwn yng ngwersyll Deepcut, Surrey.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd