Cyngor Penfro: cynigion i godi treth gyngor o 12.5%

Diweddarwyd  

(Llun Parth Cyhoeddus)

Mae Cabinet Cyngor Sir Benfro yn ystyried dau opsiwn i’r dreth gyngor ynglŷn â chynyddu’r dreth cyngor wrth i’r awdurdod lleol wynebu diffyg o £3.5m yn eu cyllideb y flwyddyn nesaf.

Yn dilyn cyfarfod heddiw (dydd Llun), fe fydd angen i’r Cyngor llawn benderfynu ar ddau opsiwn posib, sef cynnydd o 12.5% i’r dreth gyngor, neu gynnydd o  5% ond sy’n cynnwys toriadau i wasanaethau cyhoeddus.

Daw’r penderfyniad hwn yn sgil pleidlais a gafodd ei chynnal gan y Cyngor ddechrau mis Tachwedd ynglŷn â lefel y dreth gyngor ar gyfer y flwyddyn nesaf.

 

Yn y bleidlais honno, fe wnaeth bron i hanner y rheiny a bleidleisiodd gefnogi cynnydd o 10% i’r dreth, tra bo un rhan o bump yn ffafrio gweld cynnydd o 3%.

 

Y dreth gyngor isaf yng Nghymru

Roedd Bob Kilmister, yr aelod cabinet sydd â chyfrifoldeb dros gyllid, eisoes wedi dweud bod angen ystyried cynnydd o hyd at 10%.

 

Ar hyn o bryd, mae treth gyngor Band D yng Nghymru yn £1,420 ar gyfartaledd yn 2017, ond yn Sir Benfro, mae’r dreth hon yn £1,128 – yr isaf yng Nghymru.

 

Mae disgwyl y bydd cyllideb ddrafft yr awdurdod yn cael ei chyhoeddi ar 14 Rhagfyr, ac fe fydd penderfyniad terfynol ar y mater yn cael ei wneud fis Mawrth.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd