Gwaith gwyddonydd o Brifysgol Abertawe ar raglen y BBC

Diweddarwyd  
Gwellt y gamlas

Gwellt y gamlas – ymchwil Prifysgol Abertawe ar gyfer rhaglen Blue Planet y BBC

Llun: Prifysgol Abertawe

Fe fydd gwaith ymchwil y gwyddonydd Dr Richard Unsworth o Brifysgol Abertawe yn cael ei gynnwys yn rhaglen Blue Planet y BBC heno.

Cafodd ‘Project Seagrass’ ei sefydlu gan y tîm yn Abertawe, sydd hefyd yn cynnwys y myfyrwyr Benjamin Jones a Richard Lilley, ac fe gawson nhw gais gan y rhaglen yn 2014 i gynnig syniadau.

Fe gydweithiodd y tîm â Phrifysgol Caerdydd i gyflwyno’u gwaith ymchwil ar wellt y gamlas (seagrass) ac yn benodol y berthynas hela rhwng grwperiaid ac octopysau ar gyfer rhaglen arall eisoes.

Dywedodd Dr Richard Unsworth: “Mae’r bennod ar foroedd gwyrdd yn ein helpu i werthfawrogi rhyfeddod a phwysigrwydd planhigion morol megis gwellt y gamlas.

“Mae’r ecosystemau bioamrywiol hyn o bwys sylfaenol i’r blaned ddynol ond eto maen nhw’n parhau dan fygythiad o amgylch y byd.”

Prosiect Seagrass

Elusen amgylcheddol yw Project Seagrass, sy’n codi ymwybyddiaeth o ecosystemau’r môr drwy addysgu, dylanwadu, ymchwilio a gweithredu.

Ei nod yw troi ymchwil yn weithgarwch cadwraeth effeithiol drwy waith cymunedol o amgylch y byd.

Bygythiad

Ychwanegodd Dr Richard Unsworth: “Mae gwellt y gamlas yn blanhigion sy’n blodeuo ac sy’n byw mewn ardaloedd bas sydd wedi’u cysgodi ar hyd ein harfordiroedd.

“Mae’r planhigion sensitif hyn yn wahanol i wymon a dail gwyrdd llachar. Mae’r dail hyn yn ffurfio dolydd mawr a dwys o dan y môr.

“Yn debyg i riffiau cwrel a choedwigoedd glaw y trofannau, mae’r gerddi tanddwr hyn yn llawn bywyd ac yn gartref i nifer o anifeiliaid o wahanol siapiau, lliwiau a meintiau.

“Fodd bynnag, fel coedwigoedd glaw a riffiau cwrel, mae’r gerddi tanddwr anhygoel hyn o dan fygythiad. Yn fyd-eang, mae amcangyfrifon yn awgrymu ein bod ni’n colli ardal o wellt y gamlas o faint dau gae pêl-droed bob awr.

“Mae amddiffyn ac adfer yr hyn sy’n weddill yn hanfodol.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd