Cymru’n colli

Diweddarwyd  
Logo Undeb Rygbi Cymru

Llun: Undeb Rygbi Cymru

Cymru 18–33 Seland Newydd

Seland Newydd aeth â hi wrth i Gymru groesawu’r Crysau Duon i’r stadiwm cenedlaethol yng Nghaeryddd nos Sadwrn.

Rheolodd Cymru gyfnodau helaeth o’r gêm, yn enwedig yn yr hanner cyntaf, ond croesodd y tîm gorau yn y byd am bum cais i gyd wrth ennill yn gymharol gyfforddus yn y diwedd.

Hanner Cyntaf

Dechreuodd Cymru’n dda ac roeddynt yn llawn haeddu mynd ar y blaen gyda chic gosb Leigh Halfpenny wedi naw munud.

Ond er i’r mwyafrif helaeth o’r chwarter awr cyntaf gael ei chwarae yn hanner Seland Newydd, yr ymwelwyr a gafodd gais cyntaf y gêm, Waisake Naholo yn gorffen yn dda yn y gornel dde wedi pas hir Aaron Smith.

Caeodd Halfpenny’r bwlch i bwynt gyda chic gosb arall wrth i Gymru barhau i reoli’r tir a’r meddiant.

Ond roedd Seland Newydd yn ymddangos yn beryglus bob tro yr oeddynt yn cael y bêl ac fe ddaeth ail gais i Noholo yn yr un gornel ddau funud cyn yr egwyl.

Roedd digon o amser ar ôl i Gymru gau’r bwlch i bwynt unwaith eto gyda symudiad olaf yr hanner, cais i Scott Williams wedi bylchiad Hallam Amos trwy’r canol.

Ail Hanner

Roedd Seland Newydd yn well wedi’r egwyl a dechreuodd y gêm fynd o afael Cymru gyda dau gais i’r ymwelwyr mewn cyfnod o bum munud hanner ffordd trwy’r hanner.

Daeth y cyntaf i Anton Liernert-Brown wedi dadlwythiad Rieko Ioane, a’r ail i Ioane ei hunan wedi rhyng-gipiad ar y llinell hanner.

Wnaeth Cymru ddim rhoi’r ffidl yn y to a rhoddodd cais Gareth Davies lygedyn o obaith iddynt ddeuddeg munud o’r diwedd wedi i gapten y Crysau Duon, Sam Whitelock, gael ei anfon i’r gell gosb.

Y pedwar dyn ar ddeg a gafodd y sgôr nesaf serch hynny, wrth i Ioane groesi am ei ail gais ef a phumed ei dîm gyda symudiad yn syth o’r cae ymarfer. Rhoddodd trosiad Beauden Barrett dair sgôr rhwng y timau unwaith eto ac roedd y fuddugoliaeth yn ddiogel.

.

Cymru

Ceisiau: Scott Williams 40’, Greth Davies 69’

Trosiad: Leigh Halfpenny 71’

Ciciau Cosb: Leigh Halfpenny 9’, 32’

.

Seland Newydd

Ceisiau: Waisake Naholo 14’, 38’, Anton Liernert-Brown 57’, Rieko Ioane 62’, 74’

Trosiadau: Beauden Barrett 15’, 57’, 64’, 75’

Cerdyn Melyn: Sam Whitelock 68’

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd