Pryderon am ddyfodol Airbus yng Nghymru

Diweddarwyd am  
Awyren wen yn hedfan trwy awyr las

Awyren A380plus

Llun oddi ar wefan www.airbus.com

Mae pryderon y gallai rhagor o waith cwmni Airbus gael ei symud i Tsieina o Gymru ar ôl Brexit.

Dyna rybudd Uwch Ddirprwy Lywydd y cwmni yn y Deyrnas Unedig, Katherine Bennett pan aeth gerbron pwyllgor busnes, ynni a strategaeth ddiwydiannol San Steffan ddydd Mawrth.

Tra bod dylunio adenydd awyrennau’n rhan bwysig o waith y cwmni yng ngwledydd Prydain, gan gynnwys y safle ym Mrychdyn yn Sir y Fflint, fe fyddai allforio i wledydd yr Undeb Ewropeaidd yn destun costau ychwanegol ar ôl i Brydain adael yr Undeb Ewropeaidd.

Dywedodd wrth y pwyllgor fod Tsieina “yn curo ar y drws” i gael derbyn y gwaith ychwanegol.

Fel rhan o’r undeb dollau, y farchnad sengl ac Asiantaeth Diogelwch Awyrennau Ewrop, gall cydrannau Airbus gael eu hallforio ar draws Ewrop heb drafferth, meddai Katherine Bennett.

Ond mae hi wedi rhybuddio y gallai’r cwmni ei chael hi’n anodd denu rhagor o fuddsoddiad yn sgil Brexit, ac y byddai’n hawdd i Tsieina fanteisio ar hynny.

Gweithlu

Mae’r 15,000 o staff yng ngwledydd Prydain yn cyfateb i 10% o holl weithlu’r cwmni, a ffatri Brychdyn sy’n bennaf gyfrifol am adeiladu adenydd i awyrennau Airbus.

Mae gan y cwmni ffatrïoedd hefyd ger Bryste, Portsmouth a Stevenage.

Mewn datganiad i bwyllgor San Steffan, dywedodd grŵp ADS, sy’n cynrychioli’r sector aerofod ac amddiffyn, y gallai costau ychwanegol yn sgil Brexit gyfateb i hyd at £1.5bn.

Byddai’r gost ychwanegol yn deillio o wiriadau ger ffiniau gwledydd Ewrop a gwaith papur ychwanegol er mwyn allforio nwyddau.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd