Galw ar y Canghellor am Gyllideb sy’n “cynnig cyfle i Gymru”

Diweddarwyd am  
Arweinydd newydd yn gwenu

Jane Dodds

Llun oddi ar wefan Democratiaid Rhyddfrydol Sir Drefaldwyn

Mae’r Democratiaid Rhyddfrydol Cymreig wedi galw am Gyllideb sy’n “cynnig cyfle i Gymru” ar drothwy cyhoeddiad y Canghellor Philip Hammond heddiw.

Mae’r blaid yn galw am Gyllideb sy’n cefnogi prosiect Morlyn Llanw Bae Abertawe, Cytundeb Twf i’r gogledd, tegwch ariannol i Gymru ar ôl Brexit, atal cyflwyno’r Credyd Cynhwysol, a therfyn ar y cap ar gyflogau’r sector cyhoeddus.

“Mae’r Gyllideb hon yn cynnig cyfle go iawn i Gymru, dw i ond yn gobeithio bod y Canghellor yn ddigon dewr i’w gymryd,” meddai arweinydd newydd y blaid, Jane Dodds.

“Mae’r Gyllideb hon yn gyfle i sicrhau bod Cymru’n arwain yn fyd-eang ar ynni’r llanw, i wneud gogledd Cymru’n bwerdy economaidd ac i sicrhau bod gan Gymru’r cyfarpar i gyflwyno llewyrch economaidd i bawb unwaith i ni adael yr Undeb Ewropeaidd.

“Mae gan y Democratiaid Rhyddfrydol Cymreig yr uchelgais sydd ei angen ar Gymru, ond a oes gan y Canghellor [yr un uchelgais]?”

Llymder

Wrth drafod un o bolisïau economaidd mwyaf dadleuol y blynyddoedd diwethaf, dywedodd Jane Dodds fod “Cymru wedi cael mwy na digon o lymder”.

“Fel un o ranbarthau mwyaf difreintiedig y Deyrnas Unedig a hyd yn oed yr Undeb Ewropeaidd, mae Cymru wedi dioddef mwy na’r rhan fwyaf.”

Ychwanegodd y byddai bwrw ymlaen gyda’r Credyd Cynhwysol yn arwain at ragor o dlodi a digartrefedd.

Yn ogystal, mae’r bwlch mewn cyflogau yn y sector cyhoeddus “wedi gadael gweithwyr y sector cyhoeddus sy’n rhoi eu bywydau i achub ein rhai ni yn ddibynnol ar fanciau bwyd er mwyn goroesi”.

Wrth gyfeirio at gefnu ar gynlluniau i drydaneiddio’r rheilffordd yn y de, ychwanegodd fod “rhaid cyflwyno ar yr addewid i gyflwyno twf i’r DU gyfan ac agor cyfleoedd i Gymru.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones