Marw’r actores Iola Gregory

Diweddarwyd  
Cymeriad yn eistedd wrth fwrdd y gegin a golwg heriol arni

Iolo Gregory fel y cymeriad Mrs McGurk yn Pobol y Cwm

Llun cyhoeddusrwydd BBC Cymru

Mae’r actores Iola Gregory – sy’n fwyaf adnabyddus am actio rôl Jean McGurk yng nghyfres Pobol y Cwm – wedi marw.

Ac mae cynhyrchwyr a chast yr opera sebon wedi talu teyrnged iddi gan ddweud ei bod hi’n “galon i’r Cwm” am ddegawd.

Dechreuodd ei gyrfa yn actores broffesiynol yn yr 1970au ac mi ddaeth yn wyneb cyfarwydd ar gynyrchiadau teledu a ffilm Cymraeg yr 1980au.

Bu’n chwarae rôl mam Joni Jones ar y gyfres deledu o’r un enw; ac fe ymddangosodd hefyd mewn ffilmiau gan gynnwys Aderyn Papur, Rhosyn a Rhith, a Stormydd Awst.

Yn ogystal â’i gwaith o flaen y camera, mi roedd Iola Gregory yn un o sylfaenwyr Theatr Bara Caws yn 1977.

“Calon i’r Cwm”

“Jean McGurk yw un o gymeriadau mwyaf poblogaidd ac eiconig Cwmderi,” meddai Cynhyrchydd Pobol y Cwm, Llŷr Morus.

“Yn cadw’r Deri am ddegawd, roedd Mrs Mac yn galon i’r Cwm, weithiau’n ffraeth, weithiau’n ffyrnig.

“Mi fydd hi’n rhan o deulu Pobol y Cwm am byth. Ry’n ni oll, y cast a’r criw, yn meddwl am deulu a ffrindiau Iola Gregory.”

“Colled aruthrol”

Mae Cadeirydd Awdurdod S4C wedi talu teyrnged i Iola Gregory gan ei disgrifio fel “un o gymeriadau mawr” y byd drama yng Nghymru.

Dywed Huw Jones: “Roedd yn dristwch clywed am farwolaeth Iola Gregory, un o gymeriadau mawr y byd perfformio yng Nghymru dros y 40 mlynedd diwethaf.  Pa bynnag rôl y byddai hi’n perfformio, byddai ei phresenoldeb i’w deimlo ar lwyfan, teledu neu ffilm, arwydd o wir ddawn i bortreadu cymeriad.”

Ychwanegodd: “Roedd ei chyfraniad i’r byd drama yn un anferthol, ei hymroddiad i’r diwydiannau creadigol yn angerddol ac fe fydd yna golled aruthrol ar ei hol.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd