Galw am bwerau i ddatganoli fisas myfyrwyr

 

Llyr Gruffydd

Llun: Cynulliad Cenedlaethol Cymru CC 2.0

 

Dylai bod Llywodraeth Cymru yn meddu ar y pwerau i ddatganoli fisas myfyrwyr, yn ôl Plaid Cymru.

Daw’r galw yn sgil cyhoeddiad ymchwil sy’n dangos bod llai o fyfyrwyr rhyngwladol yn astudio yng Nghymru o gymharu â phedair blynedd yn ôl.

Yn ôl sefydliad Prifysgolion Cymru, bu cwymp o 16.2% yn y nifer o fyfyrwyr o du allan i’r Undeb Ewropeaidd oedd yn astudio yng Nghymru dros y cyfnod yma.

A tra bod niferoedd wedi disgyn yng Nghymru, mae’r ffigwr wedi cynyddu yn Lloegr a’r Alban.

“Y gorau a’r disgleiriaf”

Yn ôl llefarydd Plaid Cymru dros Addysg a Dysgu Gydol Oes, Llŷr Gruffydd, mae’r ystadegau yn dangos bod angen newid y drefn fel bod Cymru’n medru denu’r “gorau a’r disgleiriaf”.

“Mae myfyrwyr tramor yn dod â sgiliau newydd, maent yn cyfoethogi ein cymunedau a’n bywyd diwylliannol, ac yn creu cysylltiadau â gwledydd eraill,” meddai Llŷr Gruffydd.

“Dyna pam fy mod am i Lywodraeth Cymru gael y gallu i gyhoeddi fisas myfyrwyr. Rwyf eisiau i Gymru allu targedu’r myfyrwyr gorau a’r disgleiriaf i astudio yno, i gyfrannu eu sgiliau gwerthfawr i’n prifysgolion a’n heconomi.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd