Llai o fyfyrwyr rhyngwladol yn astudio yng Nghymru

Diweddarwyd am  
Pen ac ysgwyddau Kirsty Williams

Kirsty Williams, Ysgrifennydd Addysg Cymru

Llun: Cynulliad Cenedlaethol Cymru CC 2.0

 

Mae llai o fyfyrwyr rhyngwladol o wledydd y tu allan i’r Undeb Ewropeaidd (UE) yn astudio yng Nghymru o gymharu â phedair blynedd yn ôl.

 

Mae ymchwil gan sefydliad Prifysgolion Cymru yn dangos fod 16.2% yn llai o fyfyrwyr o wledydd y tu allan i’r UE (tua 3,230) wedi astudio yng Nghymru yn 2015/16 o’i gymharu â 2013/14.

 

Yn ôl yr ymchwil, mae myfyrwyr rhyngwladol yn cyfrannu’n fawr at economi’r wlad gyda’r lleihad hwn yn arwain at golled o £59.8m i Gynnyrch Domestig Gros Cymru.

 

Ond mae canran y myfyrwyr o wledydd yr Undeb Ewropeaidd wedi parhau’n gyson dros y ddwy flynedd diwethaf er gwaethaf pleidlais Brexit.

 

‘Cyfraniad arwyddocaol’

 

Mae’r ymchwil wedi’i gynnal gan Viewforth Consulting ac yn ôl Sefydliad Prifysgolion Cymru mae myfyrwyr rhyngwladol yn “tanio’r economi, yn creu swyddi ac yn hybu enillion allforion trwy ddenu mwy o ymwelwyr.”

 

“Mae’r adroddiad hwn yn dangos fod cryfder prifysgolion Cymru yn denu myfyrwyr o bedwar ban byd i astudio yma yn cynnig gwerth cymdeithasol ac economaidd i’n campysau a’n cymunedau, a bod myfyrwyr rhyngwladol yn gwneud cyfraniad arwyddocaol i economi Cymru yn fwy cyffredinol,” meddai Kirsty Williams, Ysgrifennydd Addysg Llywodraeth Cymru.

 

Ffyrdd o ‘gefnogi’

 

“Mewn amgylchedd masnachu mwyfwy byd-eang, mae myfyrwyr rhyngwladol yn dod â syniadau newydd, sgiliau pwysig a chysylltiadau â rhwydweithiau ledled y byd,” meddai Ian Price, Cyfarwyddwr CBI Cymru.

 

“Daw’r cysylltiadau hyn yn fwy allweddol fyth mewn economi wedi Brexit, ac mae’n hollbwysig fod y llywodraeth a chymunedau lleol yn edrych ar sut allant gefnogi gwaith rhyngwladol prifysgolion Cymru i sicrhau y gallant barhau i helpu’r wlad i ffynnu.”

 

Ffigurau eraill

 

Mae’r ymchwil yn dangos fod 22,190 o fyfyrwyr rhyngwladol wedi astudio yng Nghymru rhwng 2015 a 2016 o 140 o wahanol wledydd.

 

Daw 5,460 o’r rheiny o wledydd yr Undeb Ewropeaidd (heb gynnwys Prydain) a 16,730 o du allan i’r undeb – gyda’r rhan fwyaf yn dod o Asia.

 

Mae’r ffigurau hyn yn cynrychioli 17% o holl fyfyrwyr Cymru, ac yn ôl yr ymchwil mae myfyrwyr rhyngwladol wedi cyfrannu £716m at economi Cymru yn 2015/2016.

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd