Ffrae Canolfan Niwclear Bangor

Diweddarwyd  

Safle Wylfa Newydd

Llun: Gwefan Horizon

Mae mudiad PAWB – Pobol Atal Wylfa B – wedi beirniadu penderfyniad Prifysgol Bangor i sefydlu sefydliad ymchwil niwclear.

Mae’r mudiad sy’n ymgyrchu yn erbyn codi ail atomfa niwclear ar Ynys Môn yn dweud bod y £6.5 miliwn o arian cyhoeddus sydd wedi’i roi i’r cynllun yn wastraff arian.

Mae Llywodraeth Cymru a’r Undeb Ewropeaidd wedi cyfrannu at y sefydliad newydd – yr unig un o’i fath yng Nghymru.

Yn ôl PAWB, byddai’n well ymchwilio i ynni adnewyddol yn hytrach na niwclear a hynny am fod “dirywiad” yn y diwydiant niwclear ledled y byd.

“Lle roedd China yn dechrau adeiladu 10 gorsaf niwclear mewn un flwyddyn yn 2010, eleni nid ydynt yn adeiladu unrhyw orsaf niwclear newydd o gwbl. Yn wir, un prosiect niwclear newydd yn unig sydd wedi dechrau eleni a hynny yn yr India,” meddai’r mudiad.

“Mae technolegau ynni adnewyddol yn carlamu yn eu blaenau gyda phrisiau yn gostwng yn gyflym. Mae pris melinau gwynt yn y môr bron 50% yn rhatach yn awr na’r pris cwbl afresymol y bydd rhaid talu i adeiladu dau adweithydd niwclear enfawr newydd yn Hinkley Point, Gwlad yr Haf.

“Mae’n drist gweld Prifysgol Bangor yn glynu at hybu technoleg echdoe. Cymaint mwy priodol fyddai sefydlu canolfan ymchwil ar gyfer yr holl dechnolegau adnewyddol sydd ar gael erbyn hyn.”

Horizon – niwclear yn “parhau i dyfu”

Ond mae cwmni Horizon, sy’n gyfrifol am adeiladu ail atomfa niwclear – Wylfa Newydd – ar Ynys Môn, wedi taro nôl gan ddweud bod “pŵer niwclear yn cael ei gydnabod ym mhedwar ban byd fel un o’r prif ffynonellau o drydan carbon isel dibynadwy” a bod y diwydiant yn parhau i dyfu.

Wrth groesawu’r datblygiad ym Mhrifysgol Bangor, dywedodd Richard Foxhall, Rheolwr Cysylltiadau Rhanddeiliaid Horizon, y bydd y sefydliad yn rhoi cyfleoedd “hyfforddiant ac addysg academaidd ar gyfer pobl leol sy’n ystyried gyrfa yn y diwydiant niwclear.”

“Bydd modd iddyn nhw fyw ac astudio yn lleol, yn hytrach nag astudio ymhellach i ffwrdd o gartref ac o bosibl yn peidio â dychwelyd i’r ardal i ddod o hyd i waith,” meddai.

“Mae presenoldeb niwclear cryf yng ngogledd orllewin Cymru yn barod, gyda gweithgareddau datgomisiynu ar waith yng ngorsafoedd pŵer Trawsfynydd a Wylfa. Mae hi’n bwysig bod mentrau fel hyn yn cael eu datblygu.

“Rydyn ni’n credu nad yw hi’n fater o ynni adnewyddadwy neu niwclear, oherwydd mewn gwirionedd mae’r naill yn ategu’r llall.

“Yr her ydy sut mae symud i system o drydan carbon isel ar y cyflymder sydd ei angen er mwyn cyrraedd ein targedau newid hinsawdd, ar yr un pryd â chynnal cyflenwad sefydlog sy’n diwallu’r galw rŵan ac yn y dyfodol. Er mwyn diwallu’r her hon bydd angen ynni niwclear ac ynni adnewyddadwy.”

Dywedodd llefarydd ar ran y brifysgol, “Mae Prifysgol Bangor yn cynnal ymchwil sylweddol mewn sawl agwedd ym maes ynni gan gynnwys ynni morol, ynni solar ac ynni niwclear.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?