Dod o hyd i gath… ddwy flynedd ar ôl ei cholli

 

Mae teulu o Aberdâr wedi dod o hyd i’w cath, ddwy flynedd ar ôl iddi fynd ar goll.

Roedd Molly y gath pymtheg milltir o’i chartref yng Nglyn Ebwy a chafwyd hyd iddi mewn blwch ger Ysgol Gyfun Brynmawr ddechrau’r wythnos.

Ar ôl i’r RSPCA ei chasglu, roedd microsglodyn ar y gath pedair oed yn cadarnhau bod ganddi deulu yn Aberdâr a’i bod wedi bod i ffwrdd o’i chartref am ddwy flynedd.

“Mae’r hyn mae Molly wedi bod yn gwneud dros y ddwy flynedd ddiwethaf yn dipyn o ddirgelwch, ond fe wnaeth hi ffeindio ei ffordd i focs yng Nglynebwy,” meddai Stephanie Davidson o RSPCA Cymru.

“Mae’n edrych fel bod rhywun wedi’i gadael. Efallai ei bod wedi crwydro ac wedi cael gofal gan rywun arall nad oedd yn gallu gofalu amdani ragor. Ond rydym ni’n falch iawn bod yna ddiwedd hapus a’i bod wedi dychwelyd at ei pherchnogion.”

“Rhyddhad”

Dywedodd perchennog Molly, Mark Evans, ei fod yn teimlo rhyddhad o gael Molly yn ôl o’r diwedd.

“Roeddwn i wedi cael fy synnu o dderbyn y galwad. Fe wnaeth hi ddiflannu yn ystod un penwythnos ym mis Medi 2015 a doedden ni ddim yn gwybod beth ddigwyddodd iddi,” meddai.

“Mae’n rhyddhad mawr ei bod hi’n iawn a gobeithio y gallai setlo’n ôl gyda ni nawr.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd