Deiseb yn galw am gau sŵ Borth

Diweddarwyd  

Logo’r sw yn Borth

Llun: Borth Wild Animal Kingdom

Mae deiseb sy’n galw am gau’r sŵ yn Borth wedi llwyddo i gael mwy na 2,600 o lofnodion mewn 24 awr.

 

Mae’r ddeiseb wedi’i sefydlu gan Ymddiriedolaeth Lyncs y Deyrnas Unedig ac yn apelio ar Gyngor Sir Ceredigion i gau Borth Wild Animal Kingdom ar ôl dau ddigwyddiad yno’n ymwneud â lyncs.

 

Tua phythefnos yn ôl fe wnaeth lyncs, o’r enw Lillith, ddianc o’i gwarchodfa ac mi gafodd eu difa gan yr awdurdodau yr wythnos diwethaf.

 

Yn ogystal, daeth hi i’r amlwg heddiw fod ail lyncs, o’r enw Nilly, wedi tagu i farwolaeth ddiwedd yr wythnos diwethaf wrth i’r perchnogion geisio ei symud i warchodfa arall o fewn y sw wrth iddyn nhw ymateb i ymchwiliad i’r safle.

 

Ymchwiliad y Cyngor

 

Mae’r Ymddiriedolaeth yn galw am gau sw Borth gan gynnig ailgartrefu’r lyncs eraill mewn canolfan achub arall yng Nghymru.

Yn y ddeiseb, maen nhw’n beirniadu’r perchnogion o fod “heb brofiad” gyda’r sw “yn cyfrannu dim er lles cadwraeth nac addysg, ac yn methu cwrdd â safonau sylfaenol lles anifeiliaid ac yn creu bygythiad sylweddol i’r cyhoedd” wrth i anifeiliaid ddianc.

Mae Cyngor Sir Ceredigion wedi cadarnhau eu bod yn cynnal ymchwiliad i farwolaeth yr ail lyncs yn sŵ Borth “a ddaeth at sylw’r Cyngor diwrnod ar ôl i’r anifail gael ei ladd yn anfwriadol.”

“Gan fod ymchwiliad yn mynd rhagddo, nid ydym yn gallu darparu sylw pellach,” meddai llefarydd.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd