Ail lyncs Borth wedi marw

Diweddarwyd am  
Cath wyllt

Cafodd Lillith, lyncs Borth, ei saethu’n farw

Llun: Heddlu Dyfed Powys

 

Mae’r sŵ yn Borth yng ngogledd Ceredigion wedi cadarnhau fod lyncs arall wedi marw yn y warchodfa yr wythnos diwethaf.

Daw hyn ddyddiau’n unig wedi i awdurdodau ddifa’r lyncs oedd wedi bod ar goll ers pythefnos, sef Lillith.

Mewn neges ar wefan gymdeithasol Facebook, mae Borth Wild Animal Kingdom, yn dweud fod lyncs arall o’r enw Nilly wedi “tagu” i farwolaeth yr wythnos diwethaf.

Mae’n debyg iddyn nhw geisio ei symud hi i warchodfa arall, ond iddi gael ei niweidio a mygu yn y broses.

Ymchwiliad llawn

Mae’r sŵ yn cydnabod eu bod wedi bod o dan “bwysau mawr” yn ddiweddar a hynny wrth i’r awdurdodau gyhoeddi y byddan nhw’n cynnal ymchwiliad llawn i’r lleoliad.

“Pan wnaethon ni gymryd y sŵ llai na chwe mis yn ôl roeddem yn gwybod fod rhai materion difrofol ynglŷn â chartrefi’r anifeiliaid,” meddai’r perchnogion, Dean a Tracy Tweedy,  mewn datganiad.

“Doedd cartref y lyncs, yn enwedig, ddim yn addas ac yn bendant ddim yn cwrdd a gofynion modern y sŵ.”

Mae’r sŵ nawr yn wynebu galwadau i gau.

Mae’n debyg nad oedd Nilly yn perthyn i Lillith, ond roedd y ddwy yn rhannu’r un warchodfa.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd