Y ffermwyr ifanc yn teithio’r byd

 
Aelodau'n ymgeisio am deithiau tramor y CFFI

Rhai o’r aelodau yn aros am eu cyfweliadau yn Llanelwedd ar gyfer y Rhaglen Ryngwladol

Llun: CFfI Cymru

 

Mae tua 35 o bobol ifanc drwy Gymru wedi’u dewis i fynd ar deithiau tramor gan fudiad Ffermwyr Ifanc Cymru.

Mae’r mudiad yn cynnig cyfleoedd i aelodau deithio tramor bob blwyddyn, ac yn 2018 mi fydd yr aelodau’n cael y cyfle i deithio i’r Unol Daleithiau, Y Ffindir, Yr Almaen a Hwngari.

Cafodd y cyfweliadau eu cynnal yn Llanelwedd brynhawn ddoe (Tachwedd 12), a bwriad rhaglen ryngwladol y CFfI yw “annog dealltwriaeth yr aelodau o ddiwylliannau eraill.”

Teithio…

Mae tri aelod wedi’u dewis i fynd ar daith wirfoddol i Uganda, sef Hannah Powell, William Boulton, Gwenno Edwards ac Alison Richards.

Mi fydd Hannah Phillips, Lowri Jones, Aled Davies a Sioned Edwards yn teithio i’r Ffindir; Christina Morgan i’r Almaen ac Angela Evans a Lowri Pugh-Davies o Geredigion yn teithio i Hwngari.

Mae Ffion Edwards o Sir Benfro wedi’i dewis i deithio i Montana; Rhianwen Jones o Aberhonddu’n teithio i Alaska; Rebecca Smith yn ymweld ag Illinois, Elin Evans ac Elliw Dafydd yn teithio i Colorado a Jonathan Morgan ac Elis Smith yn mynd i Ganada.

Mi fydd aelodau hefyd yn ymweld â Gogledd Iwerddon a’r Alban – ble mae’r Rali Ewropeaidd yn cael ei chynnal y flwyddyn nesaf.

Y Wladfa

Yn ogystal, mae deg aelod wedi’u dewis i deithio i’r Wladfa yn 2019 am bythefnos, sef Ella Harris, Angharad Francis, Rhodri Lewis, Miriam Williams, Elen Gwen Williams, Daisy Hardwick, Angharad Edwards, Nest Jenkins, Gwenno Edwards ac Elin Haf Jones.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd