Carl Sargeant: “Mae’n bwysig dangos parch” meddai Carwyn Jones

Diweddarwyd  
Llun o'r gwleidydd o'r ochr

Carwyn Jones

Llun: Cynulliad Cenedlaethol Cymru CC0 trwy Commons Wikimedia

Mae Prif Weinidog Cymru, Carwyn Jones “wedi tristáu” yn dilyn marwolaeth Carl Sargeant, meddai, ond mae heddiw yn ddiwrnod i “ddangos parch” i’r teulu.

Daeth y sylw wrth i ITV Cymru ei holi ar stepen ei ddrws ddiwrnod ar ôl y newyddion am farwolaeth y cyn-Ysgrifennydd Cymunedau a Phlant.

Mae Carwyn Jones yn wynebu cwestiynau am y ffordd y cafodd honiadau am ymddygiad Carl Sargeant eu cyfeirio at y Blaid Lafur.

“Mae’n bwysig ein bod ni’n myfyrio ac yn cofio’r teulu heddiw,” meddai Carwyn Jones. “Dyna’r cyfan alla i ei ddweud. Mae’n bwysig ein bod ni’n dangos parch.”

Gyrfa

Fe fu Carl Sargeant yn Ysgrifennydd Cymunedau a Phlant Llywodraeth Cymru tan yr wythnos ddiwethaf pan gafodd ei wahardd o’r blaid Lafur wrth i ymchwiliad i honiadau o gamymddwyn rhywiol yn ei erbyn fynd rhagddynt.

Roedd yn byw yng Nghei Conna, Sir y Fflint gyda’i wraig ac mae ganddyn nhw ddau o blant, ac fe ddaeth yn Aelod Cynulliad tros Alun a Glannau Dyfrdwy yn 2003.

Cyn hynny roedd wedi hyfforddi’n ddiffoddwr tân diwydiannol ac wedi gweithio mewn ffatri gweithgynhyrchu cemegol a bu’n archwilydd ansawdd ac amgylcheddol.

Roedd wedi gwasanaethu ar Gyngor Tref Cei Conna ac yn llywodraethwr i Goleg Glannau Dyfrdwy ac Ysgol Bryn Deva.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd