Brexit – Holi am ‘asesiad risg’ i Gymru

Diweddarwyd am  
Baner Jac yr Undeb gyda'r gair Brexit drosti

llun-CC0.jpg

Mae’r Pwyllgor Materion Cymreig wedi galw ar un o brif wleidyddion Llywodraeth Prydain i gynnal “asesiad risg” ar effaith Brexit ar Gymru.

Mewn llythyr at Damian Green, Ysgrifennydd Gwladol Prydain, mae David T.C. Davies, cadeirydd y Pwyllgor, yn galw arno i nodi beth yn union fydd effeithiau Brexit ar Gymru.

Ar hyn o bryd mae’r pwyllgor yn cynnal ymchwiliad i effaith gadael yr Undeb Ewropeaidd ar amaethyddiaeth a masnach Cymru ynghyd â throsglwyddo pwerau’n ôl i’r wlad.

‘Hanfodol’

Yn ei lythyr, mae David T.C. Davies yn nodi fod Pwyllgor Materion yr Alban wedi cael gwybod bod Llywodraeth Prydain yn cynnal dadansoddiad ar effaith gadael yr Undeb Ewropeaidd ar y wlad honno.

Mae’n gofyn felly a oes dadansoddiad tebyg yn cael ei gynnal am Gymru, ac yn galw arno i ymateb erbyn Tachwedd 22.

Mae David T.C. Davies hefyd yn gofyn am wybodaeth ynglŷn â pha mor aml y bydd y Cydbwyllgor Gweinidogion yn cwrdd wrth i drafodaethau Brexit barhau, ynghyd â gwybodaeth fanylach am drosglwyddo pwerau i Gymru.

“Byddwn yn croesawu ymateb gan yr Ysgrifennydd Gwladol ar y pwyntiau allweddol hyn cyn i fesur Ymadael yr Undeb Ewropeaidd ddychwelyd i Dŷ’r Cyffredin,” meddai.

“Mae mewnwelediad i flaenoriaethau’r Llywodraeth a’u cynlluniau i’r dyfodol yn hanfodol wrth i’n hymchwiliad barhau i asesu’r materion, mesur barn y bobol a gwneud argymhellion ar y ffordd gorau ymlaen i Gymru.”

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd