Penderfynu ar ddyfodol cartref gofal Bodlondeb

Diweddarwyd am  
Rali Bodlondeb

Roedd dros 200 o bobol – gan gynnwys gwleidyddion – mewn digwyddiad i gefnogi cartref gofal Bodlondeb yn Aberystwyth

Llun: Ifor Ap Dafydd

Mi fydd cynghorwyr Cyngor Sir Ceredigion yn pleidleisio heddiw tros ddyfodol un o gartrefi henoed tref Aberystwyth.

Mae adolygiad un o bwyllgorau’r Cyngor yn argymell cau cartref gofal preswyl Bodlondeb ym Mhenparcau erbyn 31 Mawrth 2018.

Ond mae gwrthwynebiad mawr i’r cynnig hwnnw fyddai’n golygu fod 33 o swyddi yn y fantol ac y byddai’n rhaid i’r 11 o breswylwyr ddod o hyd i gartrefi newydd.

Colledion

Mae’n debyg fod y cartref yn gwneud colledion difrifol bob blwyddyn, ac mae’r Cyngor wedi ceisio dod o hyd i ddarparwr preifat a chyfleuster iechyd meddwl integredig yno, ond bod hynny’n “anymarferol.”

Er bod 44 o ystafelloedd gwely yn yr adeilad, dim ond 26 sy’n gallu cael eu defnyddio am nad yw’r gweddill yn cyrraedd y safonau angenrheidiol.

‘Emosiynol’

“Mae llawer o waith caled a gwrando wedi eu gwneud wrth i’r Cyngor ystyried cau Bodlondeb,” meddai’r cynghorydd Catherine Hughes gan gyfeirio at eu hymgynghoriad cyhoeddus o ddeuddeg wythnos.

“Dw i’n ymwybodol iawn bod y cynnig i gau Bodlondeb yn fater emosiynol i lawer sy’n trysori’r cartref a’r safon o ofal sy’n cael ei ddarparu yno.”

Bu gorymdaith yn nhref Aberystwyth ddydd Sadwrn gyda phobol yn dod ynghyd i geisio achub y cartref.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd