Cerdd Gymraeg ar hysbyseb cymdeithas adeiladu o Loegr

Diweddarwyd am  
Aneirin Karadog ac Eurig Salisbury yn adrodd eu cerdd ar hysbyseb Nationwide

Cerdd Gymraeg Aneirin Karadog ac Eurig Salisbury i Nationwide

Llun: Hysbyseb Nationwide ar y we

Mae wedi bod yn “braf” medru gosod y Gymraeg a barddoniaeth Gymraeg ar blatfform cenedlaethol, yn ôl bardd sy’n ymddangos mewn hysbyseb gan gymdeithas adeiladu Brydeinig.

Yn ddiweddar mae’r gymdeithas adeiladu Nationwide wedi cyhoeddi cyfres o hysbysebion ‘Voices Nationwide’ sy’n cynnwys beirdd ledled gwledydd Prydain yn adrodd eu gwaith.

Ac mae un o’r hysbysebion yma yn cynnwys cerdd Gymraeg o’r enw ‘Weithie sdim isie geirie’ sy’n cael ei hadrodd gan ddau fardd o Gymru – Aneirin Karadog ac Eurig Salisbury.

Mae Aneirin Karadog yn dweud ei fod yn falch o fod wedi cael cyfle i bortreadu’r Gymraeg mewn modd positif yn dilyn blwyddyn o “amharch ieithyddol”.

“Yn sgil y flwyddyn ddiwethaf o ymosodiadau ar yr iaith, enghreifftiau o dwpdra neu amarch ieithyddol tuag at y Gymraeg, o bob cyfeiriad yn y cyfryngau gan sefydliadau a siopau – Sports Direct a The Guardian hyd yn oed – mae’n braf cael y cyfle i ddodi’r Gymraeg ar lwyfan fel hyn,” meddai wrth golwg360.

Hen ddynion

Mae’r ddau fardd yn cyflwyno podlediad â’i gilydd o’r enw ‘Clera’, ac mae Aneirin Karadog yn dweud bod beirdd yr unfed ganrif ar hugain yn aml yn gosod eu gwaith ar-lein – trwy Facebook a Twitter ac ati.

 cherddi bellach yn ymddangos ar hysbysebion a’r we, ac yn cael eu sgwennu gan ystod eang o bobol, mae’n nodi bod angen herio ystrydebau’r maes.

“Dw i’n gofyn yn aml i fyfyrwyr a disgyblion ysgol – ‘Pan dw i’n dweud y gair bardd beth ydych chi’n meddwl amdano?’ Ac maen nhw fel arfer yn dweud ‘hen ddyn’,” meddai.

“Felly rydym ni eisiau trio newid hynny. Mae yna ferched ifanc, mae yna ddynion ifanc, mae yna bobol o bob cefndir yn barddoni … Mae barddoniaeth yn beth byw, a licen ni fod pobol yn sylweddoli hynny fwyfwy.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd