Gwrthdrawiad Trebannws: teyrngedau i Naomi Carter, 18

Diweddarwyd am  
Heddlu

Heddlu

Llun yr heddlu

Mae teyrngedau wedi’u rhoi i ddynes 18 oed fu farw mewn gwrthdrawiad yn Nhrebannws yng Nghwm Tawe fore Sadwrn.

Bu farw Naomi Carter a’i chariad, Jason Thomas pan darodd eu car Peugeot 206 yn erbyn polyn wrth i’r car deithio ar hyd Ffordd Abertawe i gyfeiriad Clydach.

Cafodd bachgen 11 mis oed anafiadau ond dyw ei fywyd ddim mewn perygl. Mae lle i gredu mai mab Jason Thomas yw hwnnw.

‘Twll enfawr yn ein calonnau’

Mewn teyrnged, dywedodd ei mam, Kerry: “Roedd Naomi yn ferch 18 oed allblyg llawn bywyd oedd yn ferch, yn chwaer, yn wyres, yn fam, yn fodryb ac yn ffrind oedd yn mwynhau bywyd a cherddoriaeth, dawnsio a phartïon ar y penwythnos.

“Roedd Naomi wedi ymgyfarwyddo â bod yn fam yn ifanc, ac roedd hi’n caru ei mab ifanc Brogan.

“Mae hi wedi gadael twll enfawr yn ein calonnau, a bydd colled ar ei hôl hi bob dydd. Ry’n ni, fel teulu, yn torri ein calonnau a byddwn yn cofio amdani er lles Brogan.”

Ychwanegodd hi fod ei “meddyliau gyda theulu Jason hefyd”.

“Roedd Jason wedi gwneud Naomi yn hapus dros y misoedd diwethaf a gobeithio y byddan nhw’n gorffwys mewn hedd gyda’i gilydd.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd