Gwrthdrawiad Trebannws: teyrngedau i ddyn 23 oed

Diweddarwyd am  

Llun yr heddlu

Mae teyrngedau wedi’u rhoi i ddyn 23 oed a gafodd ei ladd yn dilyn gwrthdrawiad yng Nghwm Tawe fore Sadwrn.

Bu farw Jason Thomas a dynes 18 oed pan darodd eu car Peugeot 206 yn erbyn polyn wrth i’r car deithio ar hyd Ffordd Abertawe i gyfeiriad Clydach.

Yn ôl adroddiadau lleol, ei gariad Naomi Carter yw’r ddynes sydd wedi marw.

Cafodd bachgen 11 mis oed anafiadau ond dyw ei fywyd ddim mewn perygl. Mae lle i gredu mai mab Jason Thomas yw hwnnw.

‘Tad newydd’

Mewn teyrnged, dywedodd teulu Jason Thomas: “Roedd Jason yn fab, brawd, ŵyr, nai ac ewythr ac fe ddaeth e, yn gynharach eleni, yn dad newydd i ferch fach, Freya.

“Roedd e mor garedig a byddai’n gwneud unrhyw beth, yn llythrennol, i helpu unrhyw un.

“Roedd e’n berson hynod sensitif, emosiynol a gofalgar ond roedd e hefyd yn gwybod sut i fwynhau.

“Roedd e’n parchu cymuned Trebannws, lle’r oedd e’n adnabyddus, yn fawr iawn ac roedden nhw, yn eu tro, yn ei barchu fe.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd