Ymateb ffyrnig ar Twitter i’r syniad o dalu costau teithio staff S4C

Diweddarwyd  
Llun o'r adeilad sydd i'w godi yng Nghaerfyrddin

Cynllun Yr Egin

Llun cyhoeddusrwydd

Mae byd Twitter wedi ymateb yn ffyrnig i’r newyddion y bydd S4C yn talu costau teithio staff rhwng Caerdydd a Chaerfyrddin am flwyddyn gron.

Mae pobol wedi bod yn trydar eu rhwystredigaeth a rhai yn dweud bod y penderfyniad i dalu am betrol, diesel neu drên i staff y Sianel Gymraeg sy’n dewis cymudo yn “wastraff arian”.

Y disgwyl yw y bydd gwaith i rhwng 50 a 60 o weithwyr y Sianel yn symud i Gaerfyrddin, gyda’r gweddill yn aros yng Nghaerdydd.

Yr wythnos hon fe ddywedodd Prif Weithredwr newydd S4C, Owen Evans, bod staff am gael blwyddyn i arbrofi gydag “ymdopi” yn y pencadlys newydd, sydd i fod i agor ymhen blwyddyn.

Mae’r Athro Richard Wyn Jones yn awgrymu bod sawl peth wedi mynd o’i le gyda’r prosiect i symud S4C, gan gyfeirio at y ffaith fod y Prif Weithredwr, Ian Jones, wedi gadael cyn yr adleoli a bod Garffild Lloyd Lewis, oedd yn bennaeth ar y prosiect hefyd wedi gadael.

Yn ôl Jason Morgan, mae talu costau teithio staff S4C yn “negyddu’r llwyr y rheswm craidd dros symud y pencadlys yn y lle cyntaf, heb sôn am fod yn wastraff arian.”

Mae Esyllt Mair wedi dweud nad oes lle i’r Sianel Genedlaethol gwyno am ddiffyg arian os mai dyma fydd “arian prin” yn cael ei wario.

Dywedodd llefarydd ar ran S4C wrth golwg360 bod “yna nifer o becynnau adleoli ar gael i staff i’w helpu gyda chostau dros gyfnod y symud. Mae hyn yn cynnwys costau teithio i staff fydd yn gweithio cyfnodau pontio wedi’r adleoli”.

Yn ôl y llefarydd, mae’r symud yn dal i fod yn “gost niwtral”, fel gwnaeth S4C addo.

Mae cost niwtral yn golygu “na fydd cost gweithredu o Gaerfyrddin yn ddrutach na gweithredu o Lanisien… dros gyfnod o 20 mlynedd”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd