S4C i dalu costau teithio staff rhwng Caerdydd a Chaerfyrddin am flwyddyn

Diweddarwyd  

Bydd S4C yn talu costau teithio staff sy’n penderfynu cymudo o Gaerdydd i Gaerfyrddin i’r pencadlys newydd, a hynny am hyd at flwyddyn.

Bydd y Sianel Gymraeg yn talu am betrol, diesel neu drên i’w staff sy’n dewis cymudo rhwng y brifddinas a’i chanolfan newydd yn y gorllewin.

Y disgwyl yw y bydd gwaith 50 i 60 o weithwyr y Sianel yn symud i Gaerfyrddin, gyda’r gweddill yn aros yng Nghaerdydd.

Yr wythnos hon fe ddywedodd Prif Weithredwr S4C bod staff am gael blwyddyn i arbrofi gydag “ymdopi” yn y pencadlys newydd, sydd i fod i agor ymhen blwyddyn.

Ac mae llefarydd y Sianel wedi ymhelaethu wrth golwg360 bod “yna nifer o becynnau adleoli ar gael i staff i’w helpu gyda chostau dros gyfnod y symud. Mae hyn yn cynnwys costau teithio i staff fydd yn gweithio cyfnodau pontio wedi’r adleoli”.

Dywedodd y llefarydd fod y symud yn dal i fod yn “gost niwtral”, fel gwnaeth S4C addo.

Mae cost niwtral yn golygu “na fydd cost gweithredu o Gaerfyrddin yn ddrutach na gweithredu o Lanisien… dros gyfnod o 20 mlynedd”.

Cyfnod pontio o hyd at flwyddyn

Fe wnaeth y Prif Weithredwr newydd, Owen Evans, gadarnhau wrth gylchgrawn Golwg y bydd gweithwyr S4C yn cael treulio blwyddyn yn y pencadlys newydd yng Nghaerfyrddin, cyn penderfynu a ydyn nhw am aros yno neu beidio.

Mae disgwyl i rhwng 50 a 60 o swyddi gael eu symud i ganolfan newydd Yr Egin erbyn hydref 2018.

Bydd y staff yn cael dewis rhwng gadael S4C, teithio rhwng dau leoliad, symud i’r ardal neu arbrofi gydag “ymdopi” yng Nghaerfyrddin.

115 o weithwyr llawn amser sydd ym mhencadlys bresennol S4C yn Llanisien ar hyn o bryd. Mae disgwyl i swyddogion technegol S4C aros yng Nghaerdydd a symud i swyddfa newydd y BBC yng nghanol Caerdydd.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed