Prifwyl Sir Conwy: Trystan Lewis yn gadeirydd y Pwyllgor Gwaith

Diweddarwyd am  
Arwydd mawr 'Eisteddfod' ar y Maes

Llun: golwg360

Arweinydd corau a chymanfaoedd canu, yn ogystal â pherchennog siop lyfrau Cymraeg, sydd wedi’i ethol yn Gadeirydd Pwyllgor Gwaith yr Eisteddfod Genedlaethol yn Sir Conwy 2019.

Fe ddaeth y cyhoeddiad ar dudalen Facebook Trystan Lewis, wrth i’r cerddor o Ddeganwy ddweud ei bod hi’n “fraint yn ogystal â chyfrifoldeb aruthrol” i arwain y codi arian a’r trefniadau at brifwyl.

Mae yna gryn siarad wedi bod yn ddiweddar ynglyn â lle’n union y bydd yr wyl yn cael ei chynnal ymhen dwy flynedd, gyda meysydd ger Abergele ac un arall yn Llanrwst yn cael eu hystyried o ddifrif.

“Tros y misoedd nesaf, rwy’n edrych ymlaen i gydweithio gyda phawb ym mhob rhan o’r sir er mwyn ffurfio pwyllgorau apêl, is-bwyllgorau adrannau’r Eisteddfod a’r holl waith ddaw yn sgîl trefnu Eisteddfod,” meddai Trystan Lewis ar Facebook.

“Rwy’n awyddus i gael eich mewnbwn chi; eich syniadau ynglyn â phob agwedd o’n heisteddfod ni a chithau, yn ogystal â syniadau i godi arian.

“Dewch i ni gael trefnu Eisteddfod i’w chofio yn sir Conwy, o Langwm i Landudno, o Lanfairfechan i Langernyw. Amdani!”

Mae Trystan Lewis yn o aelodau ieuengaf Cyngor yr Eisteddfod Genedlaethol, ac ef oedd ymgeisydd Plaid Cymru am sedd Aberconwy yn etholiad y Cynulliad Cenedlaethol yn 2016. Ef a’i wraig sy’n rhedeg Siop Lyfrau Lewis yn nhref Llandudno.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd