Lyncs yn parhau ar ffo

 
Cath wyllt

Cafodd Lillith, lyncs Borth, ei saethu’n farw

Llun: Heddlu Dyfed Powys

Mae lyncs sydd wedi dianc o sw yng ngogledd Ceredigion bron i wythnos yn ôl yn parhau ar goll.

 

Mi gafodd y lyncs, sydd wedi’i henwi yn Lilleth, ei gweld neithiwr, ond nid yw’r awdurdodau wedi llwyddo i’w dal hyd yn hyn.

 

Mae sw Animalarium Borth wedi cyhoeddi y byddan nhw ynghau heddiw wrth i’r holl staff gynorthwyo â’r chwilio.

 

Trapiau abwyd

 

Dros y dyddiau diwethaf mae staff y sw wedi gosod trapiau abwyd i’w denu yn ôl, ac mi gafodd ei gweld ar un o fryniau Borth neithiwr.

 

Mae lle i gredu iddi ddiflannu’n wreiddiol rhwng Hydref 24 a Hydref 29 ac mae pobol wedi beirniadu’r sw am gymryd pum diwrnod i adrodd am ei diflaniad.

 

Ond mewn neges ar wefan gymdeithasol Facebook mae cynrychiolydd ar ran Animalarium Borth yn esbonio fod cartref y lyncs yn y sw yn “hen ac wedi’i ddylunio’n wael” a’u bod yn y broses o adeiladu un “mwy a modern.”

Anafu

Mae’n esbonio fod mannau tywyll yn y ddalfa nad oes posib eu gweld heb gynnal archwiliad llawn ac mae’n debyg i’r lyncs ymladd ag un o’r cathod eraill yr wythnos diwethaf a’u bod yn credu iddi anafu ei hun.

 

“Dros y dyddiau diwethaf ni ddaeth allan am ei bwyd ac roedd y staff yn meddwl ei bod wedi’u hanafu,” meddai’r cynrychiolydd.

Erbyn dydd Sul aethon nhw mewn i wneud ymchwiliad llawn a chael “sioc nad oedd hi yno o gwbl gan hysbysu’r awdurdodau yn syth.”

 

Mae Heddlu Dyfed Powys wedi rhybuddio pobol i fod yn wyliadwrus ac i gysylltu â’r heddlu ar 101 os ydyn nhw’n ei gweld, neu ffonio 999 os ydy’r gath wyllt yn ymosod ar anifail arall.

 

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd