“West is Best!” a’r angen am wahanol acenion ar y radio

Diweddarwyd  
Mark Griffiths yn y stiwdio

Mark Griffiths, un o leisiau Radio Cymru

Llun oddi ar dudalen Facebook Marc Griffiths

Mae un o gyflwynwyr Radio Cymru’n dweud i Ray Gravell wneud “cyfraniad mawr” wrth roi llais pobol y de orllewin ar y cyfryngau cenedlaethol.

Bu Marc Griffiths, sy’n cyflwyno rhaglen geisiadau ar Radio Cymru bob nos Sadwrn, yn cydweithio â Ray Gravell ar raglen Y De Orllewin gafodd ei lansio yn 2004.

Yn rhan o’r rhaglen honno bu yntau, Ray Gravell a Siân Thomas yn cyflwyno eitemau gan roi llais i acenion ardaloedd Dyffryn Tywi, Dyffryn Aman, Cwm Gwendraeth, Cwm Tawe a Chwm Nedd.

“Holl bwrpas rhaglen Y De Orllewin oedd mynd mas at y bobol, a dyna oedd un o gryfderau mwyaf Grav, sef siarad â’r bobol,” meddai Marc Griffiths wrth golwg360.

“Roedd e’n berson annwyl iawn, wastad yn barod i siarad gyda phawb.”

Amrywiaeth acenion

Daw Marc Griffiths o Lanybydder yn wreiddiol a bu’n gweithio am gyfnod i Radio Ceredigion cyn ymuno â Radio Cymru tuag ugain mlynedd yn ôl.

Mae’n dweud ei bod hi’n bwysig i gael cynrychiolaeth o bob ardal yng Nghymru ac amrywiaeth o acenion ar yr orsaf genedlaethol.

“Mae’n bwysig i roi sylw i bob rhan o Gymru ac roedd ’na rhyw agosatrwydd yn y rhaglen [y de orllewin] wrth inni fynd mas i gwrdd â’r bobol oedd yn gwrando,” meddai.

Mae’n dweud fod Ray Gravell yn gyflwynydd naturiol fyddai’n cyflwyno’i hunan i’r bobol bob tro.

“Doedd dim eisiau iddo gyflwyno ei hunan, ond roedd hynny’n bwysig iddo. Doedd dim byd yn fawr amdano, a fe yw un o’r bobol hyfrytaf dw i wedi’u cwrdd erioed.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd