Llafur Cymru’n celpio’r Blaid

Maniffesto Llafur
Mae Plaid Cymru wedi ei chyhuddo o wyngalchu problemau Cyngor Caerffilin gan un o ymgeiswyr Llafur Cymru ar gyfer y cyngor sir.

Yn ei chynhadledd yn Llandudno mae’r Cynghorydd Allan Pritchard, Arweinydd Cyngor Caerffili, wedi brolio llwyddo i arbed £1miliwn trwy ad-drefnu swyddi rheolaeth a chynnal gwasanaethau yn fwy effeithlon.

Ond nid felly y mae hi, yn ôl Chris Forehead sy’n ymgeisydd Llafur Cymru yn ward St James yng Nghaerffili.

“Yn hytrach na threulio’i amser wrth lan-y-môr yn Llandudno yn brolio ynghylch Cyngor Caerffili, mi fyddai’n well i Arweinydd y Cyngor dreulio’i amser yn nes at adref yn delio gyda’r problemau sy’n wynebu pobol Caeffili.

“Mae’r rhain yn cynnwys pobol sydd wedi colli eu swyddi yng Nghyngor Caerffili a threthdalwyr cyngor sydd wedi diodde’ oherwydd buddsoddiad Plaid Cymru yn y banciau yng Ngwlad yr Iâ.

“Yn amlwg mae Plaid Cymru yn dewis a dethol yr hyn maen nhw am ei ddweud am eu cyfnod yn rheoli ac fy nghyngor i bobol mewn tai gwydr yw byddwch yn ofalus wrth daflu cerrig.

“Mi fyddwn yn dadlau o blaid Llafur Cymru ym mhob sedd yng Nghaerffili wrth i ni baratoi ar gyfer etholiadau’r cyngor yn 2012 ac rwy’n gwybod y bydd pobl Caerffili am glywed am ein cynlluniau i greu swyddi, strydoedd glanach a gwell dyfodol, yn hytrach na rhethreg Plaid Cymru o lan-y-môr.”

7 sylw

Adam Jones 9 Medi 2011, 15:56

Beth am i’r ymgeisydd edrych ar record blaid ei hunain felly? Cyngor Sir Gâr, Annibynnol a Llafur – Collwyd dros 8 miliwn i banciau gwlad yr iâ, sut felly ydyw’n esbonio hynny? Nid bai ar Blaid Cymru na chwaith Llafur yn Sir Gâr i fod yn deg oedd gosod ffydd ym manciau gwlad yr iâ, nid yw hynny’n fater bleidiol ond yn hytrach yn ddigwyddiad rhyngwladol a effeithiodd ar y byd.

Anghyfrifol iawn ydyw’r ymgeisydd hyn sydd yn amlwg wedi codi pais cyn pisio, mae’n gynhadledd wleidyddol, onid yw e felly yn mynychu cynadleddau, a ddylai holl aelodau awdurdodau lleol aros o fewn eu siroedd am byth ac yn feunydd? rhag ofn i wleidyddion anwybodus eu beirniadu hwy?

Mae’r ffeithiau’n glir ac yn amlwg maent wedi rwto halen i friw’r Blaid Lafur yn y Cymoedd.

Russell 9 Medi 2011, 16:17

Dw i’n byw yng Nghaerffili. Neb yn berffaith ond Plaid wedi gwneud job eithaf da dan amgylchiadau anodd sy wedi cael eu creu gan Llafur ac yn awr y Toriaid yn San Steffan. Wedi cadw y treth leol yn eithaf isel am eleni, ware teg. Ac roedd y Blaid Lafur yn dechrau buddsoddi yng Nghwlad yr Ia, a Plaid wedi parhau ar ol cael cyngor oddi wrth y Trysorlys yn Llundain pan oedd y Blaid Lafur mewn grym yno. Hawdd i anwybyddu’r ffeithiau fel na, wrth gwrs.

alun lewis 9 Medi 2011, 19:44

well mynd i lan y mor yn llandudno, na cyddio yn seland newydd, fel mae prif weinidog llafur cymru wedi gwneud. man gwyn , man draw , a llawer o wyngachi gan lafur.

Adam Jones 9 Medi 2011, 21:12

WEDI CAEL LLOND BOL O BOLISI CAMDDEFNYDD GOLWG, MAFE’N CHWERTHINLLYD AC MAE ANGEN GWNEUD RHYWBETH AMDANO NAWR, DWI’N GWEIDDI ACHOS DWI’N GRAC.

Mae’n dweud rhywbeth nad ydych yn gwrando arnom, gall unrhyw un fynd ar ddwy gyfrifiadur a nodi camddefnydd ar rywbeth nad ydynt yn ei hoffi er nad yw’n tramgwyddo neu’n sarhau neb. Wedyn mae’r sylw yn gorfod aros cymedroli sydd yn cymryd amser hir, hwn wedyn yn golygu bod y ddadl neu’r trafod ar waelod y stori yn cael ei lladd. Dylai’r camddefnydd ond ala sylwadau sydd angen eu cymedroli at Golwg pan fod 5 neu’n fwy wedi cwyno amdanyn nhw.

A’i ofn pechu’r Blaid Lafur ydych gan taw nhw fydd yn pennu cyllideb a hyn a’r llall? Wedi danto’n llwyr!

Ifan Morgan Jones 10 Medi 2011, 03:05

Does dim angen cynhyrfu, Adam. Mae angen y botwm ‘nodi camddefnydd’ am nad oes amser gan y golygydd i ddarllen a chymeradwyo pob neges yn unigol, ar ben y gwaith o greu cynnwys i’r wefan, sydd am resymau amlwg yn flaenoriaeth. Dyw’r golygydd ddim chwaith ar gael 24/7 i gymeradwyo negeseuon – am 9pm ac wedyn eto am 2am. Y gwir yw bod rhaid i ni ddibynnu i raddau ar y bobol sy’n defnyddio’r system sylwadau i beidio â chamddefnyddio’r botwm ‘nodi camddefnydd’ a hefyd i beidio â gadael negeseuon enllibus, ayyb.

Na phoener ein bod ni’n ‘ofn pechu’ hwn a’r llall – dyw hynny ddim yn dod i mewn iddi o gwbl!

Adam Jones 10 Medi 2011, 03:54

Ymddiheuraf am wythu ffiws, mae’n hwyr, ond mae’n amlwg bod pobl o hyd yn camddefnyddio’r system camddefnydd, ac felly hwn yn profi fy mhwynt, os yn parhau i gamddefnyddio’r system, beth yw’r hyn y fyddwch yn ei wneud i sicrhau nad ydynt yn cael gwneud yn y dyfodol? Mae’n hollol amlwg bod y system yn cael ei gamddefnyddio wrth edrych ar rai o’r sylwadau hollol diniwed sydd yn cael ei cuddio am gyfnod, hwn wedyn yn lladd ar drafodaeth ac yn creu penbleth pan yn ail ymddangos, ac am hynny dwi’n awgymru codi’r terfyn o 2 i bump (os felly yw’r ffigyrau cywir)

Mae pobol yn camddefnyddio’r system ac mae’n gwneud e’n ben tost uffernnol i’r rhai ohonom sydd am egino trafodaeth. Byddai fforwm lot gwell, a gellid penodi cymedrolwyr allan o’r defnyddwyr sydd yn ymddwyn yn dda ac yn cyfrannu, mae dyddiau Maes-e wedi dyddio, mae Golwg yn ganolbwynt bellach i nifer o ddigwyddiadau Cymraeg, byddai cael fforwm trafod yn ategyn gwerthfawr ar gyfer y safle.

Ifan Morgan Jones 10 Medi 2011, 04:14

Adam, mae angen i dri pherson nodi camddefnydd yn barod, nid dau, ond dydw i ddim yn meddwl ei fod yn gwneud llawer o wahaniaeth. Fel y dywedaist ti mae un person yn gallu ‘nodi camddefnydd’ ar wahanol gyfrifiaduron. Beth bynnag yw rheolau’r system, os yw person eisiau ei ‘gamddefnyddio’ er mwyn gyrru neges yn ôl at y cymedrolwyr gallai wneud hynny, a rhaid bod yn amyneddgar nes bod y golygydd wedi cael cyfle i’w ddilysu eto. C’est la vie, mae arna’i ofn.

Mae angen system sy’n caniatáu i’r negeseuon sydd wir yn broblem gael sylw’r golygydd, a mae angen i hynny fod yn weddol ‘rhwydd’ neu mae yna beryg na fyddai yn digwydd.

Rydyn ni wedi ystyried fforwm, ond fel yr wyt ti’n ei ddweud, does neb yn defnyddio maes-e. Mae poblogrwydd fforymau ar drai, a Facebook a Twitter wedi cymryd eu lle i raddau helaeth. Holl bwynt y system sylwadau yw ei fod yn caniatáu i bobol ymateb yn uniongyrchol i gynnwys straeon, ond ni fyddai fforwm yn gwneud hynny.

Does dim angen i Golwg 360 wneud bob dim – tîm bach ydyn ni a’n gwaith ni yw darparu gwasanaeth newyddion Cymraeg. Rhwydd hynt i unrhyw un sydd eisiau creu fforwm Gymraeg neu unrhyw gynnwys amgen arall i wneud hynny.

Mae’r sylwadau wedi cau.

Llafur Cymru’n celpio’r Blaid

Cyhuddo Plaid Cymru o ddewis a dethol wrth geisio brolio’u record ar Gyngor Caerffili

Poblogaidd

Swyddi

Cynorthwyydd Materion Rheoleiddiol Ofcom Cymru

Pennaeth y Gwasanaethau Cyfreithiol (Dros Gyfnod Mamolaeth)

Cyfarwyddwr Astudiaethau Caplaniaeth

Swyddog Arweiniol Data

Swyddog Prosiect Ymbweru Bro (ardal Wrecsam)

Crëwr Cynnwys Digidol

Aelodau Cyngor Celfyddydau Cymru

Tiwtor Cymraeg ar gyfer y Gweithlu Addysg

Rheolwr Aelodaeth

Peiriannydd

← Stori flaenorol

Rhybudd am “oblygiadau byd eang” i’r cynhesu yn yr Arctig

Stori nesaf →

Cefnogwyr Gaddafi’n dal i danio

Hefyd →

Dod i adnabod ymgeiswyr etholiad Comisiynydd Heddlu’r Gogledd

7 sylw