Pleidiau Cymru ‘wedi gwario £800,000’ ar Etholiadau’r Cynulliad

 


Gwariodd Plaid Cymru Ieuan Wyn Jones £173,139
Gwariodd pleidiau gwleidyddol Cymru fwy na £800,000 yn ystod ymgyrch etholiadau’r Cynulliad, cyhoeddwyd heddiw.

Mae’r Comisiwn Etholiadol wedi cyhoeddi gwariant terfynol po plaid yn ystod yr etholiadau datganoledig ym mis Mai.

Y Ceidwadwyr Cymreig wariodd y mwyaf o arian, sef dros £250,000. Fe fyddwn nhw’n datgelu’r ffigwr terfynol ym mis Rhagfyr.

Gwariodd Plaid Cymru £173,139, y Blaid Lafur £153,009, a’r Democratiaid Rhyddfrydol £144,178.

Roedd deg plaid arall wedi datgelu faint oedden nhw wedi ei wario, hefyd.

Gwariodd plaid Rhoi Llanelli’n Gyntaf Sian Caiach, oedd yn cael ei feio gan rai am ddwyn pleidleisiau gan Blaid Cymru a rhoi’r sedd ar blât i Lafur, £2,720.

Roedd y BNP wedi gwario £20,141 a’r Blaid Werdd £56,944.

Gwariodd y Monster Raving Looney Party yr un geiniog.

Dywedodd y sylwebydd gwleidyddol, Gareth Hughes, nad oedd y ffigyrau yn ei synnu.

“Mae pob un o’r pleidiau gwleidyddol yng Nghymru wedi gorfod gweithio’n galetach er mwyn sicrhau fod eu neges yn cyrraedd yr etholwyr,” meddai.

“Dyw’r cyfryngau yng Nghymru ddim mor gryf â hynny ac felly mae llawer o bobol yn cael eu gwybodaeth gan gyrff a phapurau newydd sydd o Loegr.

“Dyw’r un peth ddim yn wir am Ogledd Iwerddon a’r Alban.”

Yn ôl rheolau’r Comisiwn Etholiadol y pleidiau yn cael gwario £600,000 yr un ar yr etholiad.

Gwariant pob plaid

Y Ceidwadwyr Cymreig – dros £250,000 (y ffigwr cyflawn heb ei ddatgan eto)

Y BNP – £20,141

Y Blaid Gristnogol – £2,480

Plaid Gomiwnyddol Prydain – £1,905

Y Blaid Gydweithredol – £228

Plaid Democratiaid Lloegr – £2,297

Y Blaid Werdd – £56,944

Y Blaid Lafur – £153,009

Y Democratiaid Rhyddfrydol – £144,178

Llais Gwynedd – £432

YMonster Raving Loony Party – £0

Plaid Cymru – £173,139

Rhoi Llanelli’n Gyntaf – £2,720

Y Blaid Lafur Sosialaidd – £3,173

Y Glymblaid Sosialaidd a’r Undebau Llafur – £240

UKIP – £55,931

Cyfanswm – £586,817

Y gwario

Darllediadau gwleidyddol: £93,662

Hysbysebu: £81,399

Pamffledi ayyb: £276,595

Maniffestos: £20,828

Ymchwil a chanfasio: £50,550

Cynadleddau i’r wasg: £2,080

Trafnidiaeth: £20,298

Ralïau a digwyddiadau eraill: £5,425

Costau gweinyddol: £35,441

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer