Gwymon o Gymru’n cynnig ffynhonnell newydd o ynni

 


Jessica Adams (IBERS)
Fe allai gwymon môr fod yn ffynhonnell bwysig o ynni yn y dyfodol, meddai ymchwilwyr o Brifysgol Aberystwyth.

Mae’n cynnig mwy o botensial na chnydau ar y tir ac heb lawer o’r problemau, medden nhw ar ôl cynnal ymchwil i wymon môr-wiail, neu kelp, ar lannau Cymru.

Mae modd troi hwnnw’n danwydd ynni ac yn fath o olew trwy nifer o brosesau gwahanol ac, yn ôl y gwyddonwyr yng nghanolfan IBERS (y Sefydliad Gwyddorau Biolegol. Amgylcheddol a Gwledig), mae’n arwydd o botensial planhigion y môr.

Mae mwy na hanner holl fio-mas y byd yn y môr, medden nhw, ac mae gwymon yn gallu cynhyrchu mwy o fio-mas fesul metr sgwâr na phlanhigion ynni sy’n tyfu ar y tir.

Manteision gwymon

At hynny, meddai Dr Jessica Adams o IBERS, dyw defnyddio gwymon i greu ynni ddim yn mynd â thir amaethyddol ac, yn wahanol i ynni gwynt, mae’n bosib storio’r ynni a’i ddefnyddio fel bo’r angen.

Roedd ymchwil IBERS wrth gasglu gwymon môr-wiail yng Nghymru bob mis wedi dangos mai Gorffennaf yw’r amser gorau i gynaeafu’r planhigion.

Fe fydd yr ymchwil yn parhau i ffeindio ffyrdd o dynnu defnyddiau gwerthfawr eraill o’r gwymon cyn ei droi’n ynni.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn