Jim Allenby yn aros gyda Morgannwg

Diweddarwyd  

Mae Morgannwg wedi cadarnhau bod eu chwaraewr amryddawn, Jim Allenby, wedi penderfynu aros gyda’r clwb tan ddiwedd tymor 2012. 

Roedd Allenby yn chwaraewr allweddol i’r Dreigiau’r tymor diwethaf, ac fe sgoriodd 1,432 o rediadau a chymryd 53 wiced. 

Fe ddaw penderfyniad y gŵr o Awstralia ar ôl i Forgannwg benodi Alviro Petersen yn gapten a Matthew Mott yn brif hyfforddwr newydd y clwb. 

“Rydw i wedi mwynhau fy amser gyda Morgannwg ac rwy’n edrych ymlaen at weithio gyda Matthew Mott ac Alviro Petersen,” meddai Jim Allenby. 

“Roedd y tymor diwethaf yn un llwyddiannus i mi ac rwy’n gobeithio y bydd 2011 yn un llwyddiannus i’r tîm.”

Mae Colin Metson wedi dweud ei fod wrth ei fodd y bydd Jim Allenby yn parhau i chwarae dros Forgannwg. 

“Mae Jim yn rhan allweddol o’r garfan ac fe gafodd dymor llwyddiannus iawn y llynedd,” meddai Matthew Mott. 

Mae is-gadeirydd Morgannwg, Nigel Roberts wedi dweud bod Jim Allenby yn rhan bwysig o gynlluniau’r clwb.

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones