Sunderland yn llygadu Bothroyd

Diweddarwyd  

Mae yna adroddiadau bod Sunderland yn gobeithio arwyddo ymosodwr Caerdydd, Jay Bothroyd. 

Mae Newcastle Utd, Fulham, Birmingham, West Ham ac Everton eisoes wedi dangos diddordeb. 

Ond mae Sunderland yn chwilio am ymosodwr newydd ar ôl i Darren Bent ymuno gydag Aston Villa ddoe.   

Mae rheolwr Caerdydd, Dave Jones wedi arwyddo Jon Parkin a Jay Emmanuel-Thomas ers i’r ffenestr trosglwyddo agor ddechrau’r mis, ac mae yna sïon bod hynny o ganlyniad i’r ansicrwydd ynglŷn â dyfodol Bothroyd.

Mae’r clwb eisoes wedi dweud eu bod nhw wedi gwrthod cynnig gan glwb dienw am yr ymosodwr sydd ag un cap dros Loegr. 

Fe allai’r ymosodwr adael y clwb am ddim ar ddiwedd y tymor, ond fe fyddai ei gadw o fudd i Gaerdydd wrth iddynt geisio ennill dyrchafiad i Uwch Gynghrair Lloegr.

Mae Dave Jones eisoes wedi dweud bod yr Adar Glas wedi cynnig cytundeb newydd i Bothroyd. 

“Dw i ddim eisiau gwerthu unrhyw chwaraewr allweddol.  R’yn ni wedi cynnig cytundeb newydd i Jay. Dyna’r cyfan sydd i’w ddweud,” meddai Jones wrth bapur South Wales Echo.  

“Fe fydd rhaid iddo benderfynu a fydd yn derbyn neu yn gwrthod. Ond fe fydd ei gytundeb yn parhau tan ddiwedd y tymor.”

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones