Galw am adolygu polisi ffermydd gwynt

 


Mae cynghorwyr ym Mhowys wedi pleidleisio o blaid adolygiad o polisi ffermydd gwynt Llywodraeth Cymru.

Roedd tua 1,500 o ymgyrchwyr wedi mynd i’r cyfarfod yn Mart y Dre y Trallwng brynhawn yma.

Cafodd y cyfarfod ei symud o neuadd y sir i farchnad da byw newydd yn y dref er mwyn gwneud lle i’r tyrfa.

Pledleisiodd y cyngor yn unfrydol o blaid galw ar Lywodreath Cymru i ohirio pob cais i godi ffermydd gwynt yn y sir.

Mae’r protestwyr yn pryderu y bydd y melinau gwynt a’r peilonau fydd eu hangen i gario’r trydan dros y ffin yn hagru’r ardal ac yn arwain at lai o dwristiaid yn ymweld yno.

Ond yr wythnos diwethaf dywedodd Carwyn Jones fod ei lywodreath yn cael y bai am y ffermydd gwynt er nad eu penderfyniad nhw oedd hi.

Mae wedi galw ar Lywodreath San Steffan i ddatganoli’r grym dros brosiectau egni mawr, gan gynnwys ffermydd gwynr, i Gymru.

“Mae ‘na deimlad cryf am y peth yn lleol,” meddai Ifan Davies, contractwr amaethyddol o’r Trallwng.

“Dim ond pobl sy’n gwneud arian allan ohono sydd eisiau’r peth. Mae cwmnïau’n gwneud arian – ond ni’n sy’n talu amdano.”

“Rydan ni eisiau i’r Cyngor weld bod pobl yn ei erbyn ac eisiau adolygiad o’r polisi.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones