Trafod dyfodol S4C yn Strasbwrg

 


Senedd Ewrop yn Strasbwrg
Bydd dirprwyaeth o ymgyrchwyr iaith yn trafod y bygythiadau i S4C mewn cyfarfod â swyddogion uchaf Ewrop heddiw.

Yn ystod ymweliad â Senedd Ewrop yn Strasbwrg bydd aelodau o Gymdeithas yr Iaith Gymraeg yn cwrdd â Chomisiynydd Diwylliant Ewrop Androulla Vasilliou.

Dywed Cymdeithas yr Iaith fod Llywodraeth San Steffan wedi ymrwymo i ddarparu gwasanaethau teledu a radio yn y Gymraeg o dan gytundeb Ewropeaidd.

Felly, bydd yr ymgyrchwyr hefyd yn cyfarfod â phennaeth Secretariat Siarter Ewrop dros ieithoedd lleiafrifol Alexey Kozhemyakov sydd yn goruchwylio’r siarter iaith sydd yn cynnwys yr ymrwymiadau hynny.

Y nod meddai llefarydd ar ran y Gymdeithas fydd trafod gyda’r swyddogion effaith y toriadau ar ymrwymiadau cyfreithiol Llywodraeth Prydain.

Mae’r daith i Strasbwrg sydd wedi ei threfnu gan Aelod Seneddol Ewropeaidd Plaid Cymru, Jill Evans.

‘Dyletswydd’

“O dan reolau Ewrop mae yna ddyletswydd ar Lywodraeth Prydain i ddiogelu dyfodol S4C, sef unig sianel deledu Gymraeg y byd,” meddai Bethan Williams, Cadeirydd y Gymdeithas.

“Mae newidiadau deddfwriaethol arfaethedig yr Ysgrifennydd Diwylliant Jeremy Hunt yn peryglu dyfodol y sianel; trwy roi rhwydd hynt i weinidogion ddod a’r gwasanaeth i ben trwy wrthod ei hariannu.

“Mae gyda ni hawliau i wasanaethau teledu a radio trwy’r cytundeb hwn, ac mae rhaid i’r Llywodraeth yn Llundain cadw at eu haddewidion.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones