Medal Ddrama i Elin Gwyn

Diweddarwyd am  


Elin Gwyn sydd wedi ennill y Fedal Ddrama yn Eisteddfod yr Urdd eleni.

Derbynwyd saith drama, ond Gwagle aeth â hi i’r fyfyrwraig o Gylch Bangor Ogwen.

O Sling, ger Bethesda y daw Elin Gwyn, ac ers symud o Ysgol Dyffryn Ogwen i Brifysgol Caerdydd i astudio llenyddiaeth Saesneg, mae hi bellach yn ôl yn ei bro enedigol, ac yn astudio ym Mhrifysgol Bangor.

Mae hi ar fin dod i derfyn blwyddyn gyntaf ei doethuriaeth dair blynedd yn y Gymraeg erbyn hyn, lle mae’n astudio cyfraniad diwylliannol y diwydiant llechi yn y cyfnod ôl-ddiwydiannol, ac fel rhan o’r cwrs mae hi’n gweithio yn Yr Amgueddfa Lechi yn Llanberis.

Mae’r hynaf o bedair chwaer eisoes wedi ennill ei phlwyf wrth ysgrifennu mewn eisteddfodau lleol, ac yn gyn-enillydd ar Dlws Llên yr Ifanc a’r Fedal Ryddiaith yn Eisteddfod Dyffryn Ogwen.

“Dwi wastad wedi bod wrth fy modd yn gwylio a darllen dramâu,” meddai Elin Gwyn, sydd â’i bryd ar fynd ymlaen i sgriptio mwy yn y dyfodol.

“Mae ennill Y Fedal Ddrama yn sicr o roi hwb i mi barhau i ysgrifennu.”

Gwilym Dwyfor Parry, Aelod Unigol o Gaerdydd ddaeth yn ail, a Llŷr Titus, Aelwyd Coleg Meirion Dwyfor Pwllheli, ddaeth yn drydydd.

Y beirniaid oedd Manon Eames a Tim Baker.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed