S4C – Bywyd Cyw ‘yn y fantol’

 


Protest Cymdeithas yr Iaith
Mae Cymdeithas yr Iaith wedi protestio ar faes Eisteddfod yr Urdd heddiw gan honni fod bywyd un o hoff gymeriadau plant Cymru wedi ei roi “yn y fantol” gan y toriadau i gyllideb S4C.

Ymysg y siaradwyr yn y brotest oedd Bethan Jenkins AC, llefarydd darlledu Plaid Cymru, a Keith Davies AC ar ran y blaid Lafur.

Er mwyn darlunio eu ffawd cafodd Cyw a chymeriadau eraill S4C eu “hela” o amgylch y maes gan actor yn chwarae rhan y Gweinidog Diwylliant, Jeremy Hunt.

Rhybuddiodd Bethan Williams, Cadeirydd Cymdeithas yr Iaith Gymraeg ,y byddai ariannu S4C drwy ffi drwydded y BBC yn achosi tensiynau yng Nghymru.

“Ar hyn o bryd mae Torïaid yn Llundain yn ceisio lladd Cyw a’i ffrindiau – cymeriadau plant hynod o boblogaidd,” meddai.

“Mae darlledu Cymreig mewn argyfwng, does dim amheuaeth am hynny. Rydyn ni ar lwybr sydd yn arwain at sefyllfa hunllefus.

“Fe fyddai’r cyfuniad o doriadau enfawr, yn ogystal â’r cynllun i uno S4C a’r BBC, yn golygu tensiynau iaith barhaol yn ein gwlad.

“Rydyn ni wedi bod yn rhybuddio am hyn ers dechrau’r helynt i S4C bron i flwyddyn yn ôl. Poen y tensiynau hynny a sicrhaodd cefnogaeth holl bobl Cymru tu ôl i’r syniad bod angen S4C fel sefydliad holl annibynnol yn y saithdegau.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed