S4C – cymeradwyo penodi Huw Jones

 


Huw Jones gerbron y pwyllgorau
Mae dau bwyllgor yn y Senedd yn San Steffan wedi cymeradwyo penodi Huw Jones yn Gadeirydd newydd S4C.

Mae hynny’n golygu nad oes unrhyw rwystr iddo gymryd y swydd sydd wedi bod yn wag ers misoedd, ar gyfnod o argyfwng yn hanes y sianel.

Ar ôl ei gyfweld yn gyhoeddus ynghynt yn yr wythnos, mae’r pwyllgorau dethol ar Gymru a Diwylliant, y Cyfryngau a Chwaraeon yn dweud eu bod yn hapus ei fod yn ymgeisydd teilwng.

“Ar ôl holi Huw Jones, rydan ni wedi’n bodloni ei fod yn arddangos y cymwysterau a’r annibyniaeth bersonol sydd eu hangen ar gyfer y swydd,” meddai David Davies, Cadeirydd y Pwyllgor Dethol ar Faterion Cymreig.

Un o dasgau mwya’r Cadeirydd newydd fydd gynyddu nifer y gwylwyr, meddai Cadeirydd y Pwyllgor Diwylliant, John Whittingdale.

Pwysleisio annibyniaeth

Roedd Huw Jones wedi pwysleisio bod rhaid cynnal annibyniaeth S4C wrth iddi fynd dan adain y BBC yn 2013, ond roedd yn dweud bod cytundeb gyda’r Gorfforaeth yn angenrheidiol bellach.

Huw Jones oedd Prif Weithredwr S4C rhwng 1994 a 2005 ac ef oedd dewis yr Ysgrifennydd Diwylliant, Jeremy Hunt.

Fe ymddiswyddodd y Cadeirydd diwethaf, John Walter Jones, ar ôl gwrthdaro gyda gweddill Awdurdod y sianel.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed