Alun Davies: ffrind y ffermwr

 


Alun Davies
 Mae Dirprwy Weinidog Amaeth newydd Llywodraeth Cymru  yn addo helpu a hyrwyddo ffermio.

“Dw i isio bod yn champion i ffermwyr Cymru ac i’r diwydiant amaeth,” meddai’r  Dirprwy Weinidog Amaethyddiaeth, Bwyd, Pysgodfeydd a Rhaglenni Ewropeaidd.

Mae Aelod Cynulliad Blaenau Gwent yn dweud fod ganddo brofiad blaenorol yn y maes.

“Mae’n rhywbeth lle dw i wedi gwneud lot fawr  o waith yn y Cynulliad diwethaf felly dw i’n teimlo’n ddigon hyderus. Ma  gen i gefndir yn y maes felly dw i’n edrych ymlaen at yr her sydd yn ein gwynebu ni. Dw i isio bod yn champion i ffermwyr Cymru ac i’r diwydiant amaeth.”

CAP: angen chwarae teg

Mae  sawl her yn wynebu’r diwydiant  yn ystod y blynyddoedd nesaf,  yn  ôl Alun Davies.

“Ni gyd yn gwybod bod CAP reform ar y gorwel. Dw i eisiau sicrhau bod ni yn cael deal da ar gyfer ffermwyr Cymru ac rhywbeth sy’n gwneud lles i Gymru hefyd.”

Cydweithio fydd y ffordd ymlaen i’r Llywodraeth leiafrifol yn ôl Alun Davies. Mae’n dweud bod angen i Lafur “estyn mas” I ffermwyr sy’ wedi bod yn ddrwgdybus o’r blaid yn y gorffennol.

“Does gyda ni ddim mwyafrif yn y Cynulliad. Rydan ni’n gwybod hynny, mae pawb yn gwybod hynny. Felly ryda ni eisiau Llywodraethu trwy gonsensws gobeithio, trwy arwain ond ddim yn dominyddio. Felly mi fyddwn ni yn estyn mas i’r pleidiau gwahanol ac i bobl tu hwnt i’r Cynulliad.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl