Ystyried ethol rhagor o ACau rhanbarthol

Diweddarwyd am  


Cheryl Gillan, Ysgrifennydd Cymru
Mae Ysgrifennydd Cymru, Cheryl Gillan, wedi dweud y bydd hi’n ystyried cais gan Blaid Cymru i newid y modd y mae ACau yn cael eu hethol i’r Cynulliad.

Mae Jonathan Edwards, Aelod Seneddol Plaid Cymru dros Ddwyrain Caerfyrddin a Dinefwr, wedi dweud fod angen ethol rhagor o ACau o’r rhestrau rhanbarthol.

Erbyn yr Etholiad Cyffredinol nesaf fe fydd nifer etholaethau Cymru yn cael eu torri o 40 i 30.

Dywedodd Jonathan Edwards y dylid ethol 30 o Aelod Cynulliad o’r etholaethau yma, ac y dylai’r 30 arall ddod o’r rhestrau rhanbarthol.

‘Ffafrio Llafur’

Ar hyn o bryd mae 40 yn dod o’r etholaethau a 20 o’r rhestrau rhanbarthol. Yn ôl Jonathan Edwards mae’r trefniant yn ffafrio’r Blaid Lafur.

Derbyniodd y blaid 42.3% o’r bleidlais yn yr etholaethau a 36.9% o’r bleidlais ar y rhestrau rhanbarthol ddydd Iau, ond 50% o’r seddi yn y Cynulliad.

Wrth siarad yn Nhŷ’r Cyffredin dywedodd Cheryl Gillan ei bod hi’n “cymryd fod Mr Edwards yn argymell fod 30 sedd gyntaf i’r felin a 30 sedd ranbarthol, ac fe fyddaf i’n edrych o ddifrif ar yr argymhelliad hwnnw”.

Mae Jonathan Edwards hefyd wedi galw am ganiatáu i ymgeiswyr sefyll mewn etholaethau ac ar y rhestrau rhanbarthol.

Dywedodd gweinidog Swyddfa Cymru’r wrthblaid, Owen Smith, fod Plaid Cymru yn cwyno am nad oedd pethau wedi mynd o’u plaid nhw yn yr etholiad.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl