Cyfarfod cyntaf y Senedd yfory

 

Bydd Cyfarfod Llawn cyntaf y Cynulliad newydd yn cael ei gynnal brynhawn yfory, cadarnhawyd heddiw.

Bydd y 60 Aelod yn cyfarfod ar gyfer dechrau’r Pedwerydd Cynulliad yfory am 3.00pm yn y Senedd.

Yr eitemau cyntaf ar yr agenda fydd ethol Llywydd a Dirprwy Lywydd newydd i’r Cynulliad.

Y Llywydd blaenorol, yr Arglwydd Dafydd Elis-Thomas, fydd yn cadeirio’r trafodion ar gyfer ethol olynydd iddo, neu’r Clerc, os yw’r Llywydd blaenorol yn bwriadu sefyll.

Mae’r Blaid Geidwadol wedi mynnu y bydd un o’u haelodau nhw yn cael ei ethol yn Llywydd. Angela Burns, AC Gorllewin Caerfyrddin a De Penfro, yw’r ymgeisydd mwyaf tebygol.

Mae disgwyl i’r Dirprwy-Lywydd ddod o’r Blaid Lafur, gyhoeddodd y byddai’r ffurfio llywodraeth leafrifol heddiw.

Ar ôl ethol Llywydd a Dirprwy-Lywydd bydd y Cynulliad yn enwebu Carwyn Jones yn Brif Weinidog newydd Llywodraeth Cymru.

Bydd y Llywydd newydd yn cysylltu gyda’r Frenhines er mwyn argymell ei fod yn cael ei benodi yn Brif Weinidog.

Yr eitem gyntaf o fusnes ar gyfer y Cynulliad newydd fydd talu teyrnged i’r cyn-Aelod Brynle Williams a fu farw fis diwethaf yn 62 oed.

Bu Brynle’n cynrychioli rhanbarth Gogledd Cymru yn y Cynulliad ers 2003.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl