Cymeradwyo ysgol Gymraeg yng Nghaerffili

Diweddarwyd am  



Mae cyngor bwrdeistref sirol Caerffili wedi cymeradwyo cynlluniau i sefydlu ysgol Gymraeg newydd 11-14 yn yr ardal.

Ar hyn o bryd dim ond un ysgol gyfun Gymraeg sydd yn yr ardal, sef Ysgol Gyfun Cwm Rhymni ym mhentref Trelyn, ac mae’r galw am addysg cyfrwng Cymraeg wedi bod ar gynnydd.

“Roedd yn amlwg bod angen ateb ar frys i ymdopi â’r galw cynyddol am leoedd Cymraeg ar draws y fwrdeistref sirol,” meddai’r Cynghorydd Phil Bevan, aelod cabinet CBSC dros addysg.

“Mae ein cynigion yn golygu y gallwn gynnig i’n plant a’n pobl ifanc cyfundrefn addysg sy’n addas i’r 21ain ganrif. Rwy’n siŵr y bydd rhieni yn croesawu’r penderfyniad hwn gan y bydd o fudd i’n disgyblion lleol am flynyddoedd lawer i ddod.”

Y cynlluniau

O fis Medi’r flwyddyn nesaf bydd disgyblion Blwyddyn 7 sy’n byw o fewn Basn Caerffili yn symud i gyfleusterau fydd yn cael eu datblygu ar hen safle Ysgol Gyfun Ilan Sant yng Nghaerffil.

Bydd yr ysgol newydd ar gyfer disgyblion 11-14 yn bwydo Ysgol Gyfun Cwm Rhymni, a fydd yn cael ei ddatblygu’n “ganolfan ragoriaeth” ar gyfer disgyblion 14 i 19 oed.

Y cam cyntaf o gynllun arfaethedig £10 miliwn i fynd i’r afael a darpariaeth cyfrwng Cymraeg yn ardal ehangach Basn Caerffili fydd yr ysgol newydd.

Maen nhw hefyd yn bwriadu adeiladu dwy ysgol arall ar gyfer disgyblion 11-14 oed, y cyntaf yng ngogledd y sir a’r ail yn ardal Islwyn.

Bydd disgyblion yr ysgolion rheini hefyd yn symud ymlaen i Ysgol Gyfun Cwm Rhymni pan maen nhw’n 14 oed.

Addysg

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed