Penodi athrawon cyflenwi: prosiect gwerth £2.7m

Diweddarwyd am  


Llun: PA
Mae Llywodraeth Cymru wedi cyhoeddi heddiw gynllun newydd a fydd yn gwella’r ffordd y mae athrawon cyflenwi yn cefnogi ysgolion.

Mi fydd y cynllun hwn, sy’n werth £2.7 miliwn, ar gael i 15 awdurdod lleol yng Nghymru ar gyfer creu cytundebau cyflenwi newydd mewn 86 o ysgolion.

Ac mae disgwyl y bydd yn fodd o benodi’n llawn amser tua 50 o athrawon sydd newydd raddio i wneud gwaith cyflenwi mewn grwpiau penodol o ysgolion.

Mae wedi dod i fodolaeth yn dilyn awgrymiadau a wnaed ar ddechrau’r flwyddyn gan adroddiad y Tasglu Modeli Gyflenwi, sef y corff a gafodd ei benodi gan Lywodraeth Cymru ym Mehefin 2016 i edrych ar opsiynau ar gyfer athrawon cyflenwi’r dyfodol.

Nod y cynllun yw cynnig cyfle i athrawon sydd ar ddechrau’i gyrfa i ennill profiad ychwanegol yn y dosbarth, ynghyd â sicrhau bod gan ysgolion ddigon o athrawon cyflenwi i droi atyn nhw pan fo angen.

Bod yn “fwy hyblyg ac arloesol.”

Yn ôl Kirsty Williams, Ysgrifennydd Addysg Llywodraeth Cymru, mae athrawon cyflenwi yn rhan “allweddol a phwysig” o’r gweithlu, ac mae’n gobeithio y bydd y cynllun newydd hwn yn “gwella” sut y mae athrawon cyflenwi yn cael eu cyflogi, rheoli a’u cefnogi.

“Diben y cyllid hwn yw bod yn fwy hyblyg ac arloesol wrth ymateb i absenoldeb athrawon.

“O dan ein cynlluniau, bydd ein hathrawon cyflewni yn cael eu cefnogi yn yr un modd â’n hathrawon parhaol.”

Mae Llywodraeth Cymru hefyd yn gobeithio ail-fuddsoddi unrhyw arbedion sy’n deillio o gyllidebau cyflewni ysgolion er mwyn sicrhau mwy o le yn y system i gefnogi ysgolion i reoli eu hanghenion cyflewni, a hynny mewn ffordd mwy hwyl a chynaliadwy.

Mi fydd y cynllun peilot yn cael ei gynnal yn ystod y flwyddyn ariannol hon a’r rhai dilynol.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd