Bos newydd Ceredigion yn pwyso am gryfhau’r economi wledig

Diweddarwyd am  


Eifion Evans (Llun: Cyngor Sir Ceredigion)
Mae economi leol ardaloedd gwledig wedi “dioddef ers sawl blwyddyn,” yn ôl Prif Weithredwr newydd Cyngor Sir Ceredigion.

Mae’r gŵr sydd wedi’i benodi i’r rôl yn ddiweddar yn dweud mai mynd i’r afael â’r economi yw prif flaenoriaeth yr awdurdod dros y blynyddoedd nesaf.

“Un o’r pethau sy’n fy ngofidio i’n fawr yw cyflwr yr economi yn lleol,” meddai Eifion Evans wrth golwg360.

“Dw i’n credu bod y Gymru wledig wedi dioddef ers sawl blwyddyn – ac mae yna ddiffyg buddsoddiad wedi bod yng nghefn gwlad Cymru, yn y bobol ifanc sydd gyda ni, ac yn y cyfleoedd ar gyfer swyddi da yn ein hardal ni,” meddai wedyn.

Denu buddsoddiad

Yr wythnos ddiwethaf, fe ddaeth hi i’r amlwg y byddai cynghorau lleol Cymru’n derbyn toriad o 0.5% yn y cyllid y maen nhw’n ei dderbyn gan Lywodraeth Cymru.

“Wrth ystyried graddfa chwyddiant a chynnydd mewn cyflogau staff, mae’r ffigwr real yn dipyn mwy na beth mae’n ymddangos yn y lle cyntaf,” meddai Eifion Evans.

Cyn cael ei benodi’n Brif Weithredwr, Eifion Evans oedd Dirprwy Brif Weithredwr y cyngor ac mae’n esbonio mai dyma’r “wythfed flynedd yn olynol y mae’r Cyngor Sir wedi gweld gostyngiad yn yr arian craidd i redeg eu gwasanaethau.”

Ac mae’n dweud y gallai ansicrwydd Brexit gyfrannu at fwy fyth o doriadau.

“Mae’n ofid inni, a hoffwn weld cyfleoedd newydd yn cael eu creu ar draws y sir,” meddai gan ddweud ei fod am weld “mwy o gydweithio” gyda’r sector breifat “i ddenu buddsoddiad o du allan i’r sir i’r diwydiannau sydd gennym ni yma’n barod.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd