‘Pwysau o sawl cyfeiriad’ ar Carles Puigdemont

Diweddarwyd am  


Sian Edwards (Llun: Prifysgol Caerdydd)
Mae darlithydd Astudiaethau Sbaenaidd ym Mhrifysgol Caerdydd yn nodi fod Arweinydd Catalwnia mewn “sefyllfa anodd” wrth wynebu pwysau o’r naill du.

Mae Prif Weinidog Sbaen, Mariano Rajoy, wedi dweud fod gan Gatalwnia tan ddydd Iau (Hydref 19) i gyhoeddi eu hannibyniaeth yn swyddogol.

Ond mewn llythyr ddydd Llun (Hydref 16) fe alwodd Carles Puigdemont am fwy o drafodaethau gyda Sbaen am hyd at ddeufis.

‘Pwysau o sawl cyfeiriad’

“Mae’n ceisio cadw’r ddysgl yn wastad trwy ddangos i un ochr ei fod o blaid annibyniaeth, ond ei fod hefyd yn gweld bod y sefyllfa mor anodd ac ansicr ar y funud ei fod eisiau amser i drafod,” meddai Siân Edwards wrth golwg360.

 

“Mae’n sefyllfa anodd, ac mae ‘na bwysau arno o sawl cyfeiriad o fewn gwleidyddiaeth Catalwnia ei hun, ac mae ‘na bleidiau sy’n galw arno i fod yn llawer mwy eglur o blaid annibyniaeth, a phwysau o’r ochr arall arno iddo fod yn gymedrol,” meddai.

‘Sefyllfa ddyrys’

Mae Llywodraeth Sbaen wedi dweud fod gan Gatalwnia tan ddydd Iau i gyhoeddi eu hannibyniaeth ac, yn ôl Siân Edwards, does dim posib gwybod beth fydd yn digwydd os na fyddan nhw’n gwneud hynny.

“Ond, ar sail beth sydd wedi digwydd yn barod byddwn i’n dychmygu y bydd achosion cyfreithiol yn dod yn erbyn unigolion, gwleidyddion Catalwnia a sefydliadau sifig, a byddwn i’n disgwyl hefyd bod Llywodraeth Sbaen yn dechrau cymryd mesuriadau i ymyrryd yn swyddogaethau Llywodraeth Catalwnia,” meddai.

“Mae’n ymwybodol ei fod mewn sefyllfa ddyrys,” meddai wrth gyfeirio at Carles Puigdemont.

 

Cefndir

Mi’r oedd Carles Puigdemont wedi cael tan ddydd Llun (Hydref 16) i ddatgan annibyniaeth yn swyddogol, wedi iddo ddweud yr wythnos diwethaf fod angen mwy o amser i gynnal trafodaethau.

Daw hyn ar ôl i 90% o bleidleiswyr fynegi eu dymuniad i adael Sbaen mewn refferendwm ar 1 Hydref.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed