Harvey Weinstein ‘wedi dial ar Ioan Gruffudd’

Diweddarwyd am  


Ioan Gruffudd (llun o'i wefan)
Mae’n ymddangos y gall fod yr actor Ioan Gruffudd ymhlith rhai sydd wedi dioddef ergyd i’w gyrfaoedd oherwydd diawlineb y cynhyrchydd ffilmiau Harvey Weinstein.

Yn ôl yr actores Alice Evans, gwraig Ioan Gruffudd, roedd Harvey Weinstein yn benderfynol o ddial ar y ddau ohonyn nhw ar ôl iddi hi wrthod mynd gydag ef i’w ystafell ymolchi.

Mewn erthygl yn y Daily Telegraph heddiw, dywed Alice Evans iddi gyfarfod Weinstein am y tro cyntaf yng ngŵyl ffilmiau Cannes yn 2002 – oriau ar ôl i’w darpar ŵr gael prawf sgrin ar gyfer un o ffilmiau’r cynhyrchydd.

“Roedd yn gwasgu ei hun yn fy erbyn a dweud fod arno eisiau cyffwrdd fy mronnau,” meddai.

“Nid ymgais arferol gan ddyn meddw yn trio’i lwc oedd hyn – roedd yn rhywbeth sinistr.

“Wrth imi ddianc oddi wrtho, fe ddywedodd ‘Gobeithio y bydd popeth yn gweithio allan yn iawn i’ch cariad’.

“Ches i na Ioan erioed gyfle wedyn i ymddangos yn un o ffilmiau Westein.”

Daw ei honiadau wrth i fwy a mwy o sêr Hollywood dystio bod Weinstein wedi ymddwyn yn ffiaidd tuag atyn nhw.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd