Toriad 0.5% i gyllid cynghorau

Diweddarwyd am  


Mark Drakeford Llun: Senedd.tv
Mae Ysgrifennydd Cyllid Llywodraeth Cymru, Mark Drakeford, wedi cyhoeddi y bydd cynghorau yn derbyn toriad 0.5% yn y cyllid maen nhw’n ei dderbyn gan Lywodraeth Cymru y flwyddyn nesaf.

Bydd awdurdodau lleol hefyd yn derbyn toriad o 1.5% yn ystod y flwyddyn olynol.

Bydd pob cyngor yn derbyn toriad rhwng 2018-2019 gan eithrio cyngor mwyaf Cymru sef Cyngor Caerdydd – mi fyddan nhw’n derbyn codiad 0.2%.

Awdurdodau lleol Sir Fynwy, Merthyr Tudful, Blaenau Gwent, Caerffili, Powys a Chonwy fydd yn derbyn y toriad mwyaf – toriad o 1%.

“Setliad anodd”

“Bydd setliad y flwyddyn nesaf yn anodd – rydyn ni wedi gwneud pob dim y gallwn ni i sicrhau y bydd modd ymdopi oddi tano,” meddai Mark Drakeford.

“Rhaid i gynghorau ddefnyddio’r amser hwn nawr i gynllunio, er mwyn sicrhau bod cyllid yn cael ei roi i’r gwasanaethau a’r bobl sydd fwyaf ei angen.”

Hefyd dywedodd Mark Drakeford y byddai’r gronfa ar gyfer ysgolion yn codi i £62 miliwn tra bydd cronfa gofal cymdeithasol yn cynyddu i £42 miliwn.

Mae’r penderfyniad i gynyddu cronfeydd  y gwasanaethau yma yn golygu y bydd llai o gyllid ar gael ar gyfer gwasanaethau eraill gan gynnwys llyfrgelloedd a chanolfannau hamdden.

“Sefyllfa anghynaladwy”

“Y broblem i lywodraeth leol yw’r ymosod cyson ar wasanaethau lleol,” meddai’r Cynghorydd Cyngor Casnewydd ac Arweinydd Cymdeithas Llywodraeth Leol Cymru (CLLC), Debbie Wilcox.

“Mae gwasanaethau yn cael eu gwasgu hyd yr eithaf ac mae’r cyhoedd yn iawn i deimlo’n fwyfwy rhwystredig wrth dalu mwy o dreth cyngor ac eto’n gweld gwasanaethau cymunedol allweddol yn cael eu torri neu yn cau.”

“Mae’r holl sefyllfa yn anghynaladwy. Ni ellir disgwyl i awdurdodau lleol barhau i wneud toriadau mor ddwfn a pharhau i ddarparu’r un ehangder a safon o wasanaeth; yn syml, bydd yn rhaid i rywbeth ddioddef.”

“Gwleidyddiaeth lem”

“Unwaith eto, dyma setliad anodd iawn i gynghorau Cymru,” meddai llefarydd Plaid Cymru dros Lywodraeth Leol, yr Aelod Cynulliad, Siân Gwenllian.

“Parhad yw hyn o wleidyddiaeth lem Llywodraeth Geidwadol y Deyrnas Unedig. Ac, mae’n golygu bydd toriadau i wasanaethau ac mi fydd pobol ledled Cymru yn dioddef yn ei sgil.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd