Chris Coleman i drafod ei ddyfodol gyda thîm Chymru

Diweddarwyd am  


Chris Coleman (Llun:Joe Giddens/PA)
Mae disgwyl i hyfforddwr tîm pêl-droed Cymru ystyried ei ddyfodol gyda’r tîm dros yr wythnosau nesaf wedi i ymgais Cymru i gyrraedd pencampwriaeth Cwpan y Byd yn Rwsia ddod i ben neithiwr.

Mae Chris Coleman wedi dweud yn y gorffennol y byddai’n rhoi’r gorau i hyfforddi’r garfan ar ôl i ymgyrch Cwpan y Byd ddod i ben.

Ac ar ôl i Gymru golli 1 – 0 yn erbyn Gweriniaeth Iwerddon neithiwr yn Stadiwm Dinas Caerdydd, mae disgwyl iddo drafod ei ddyfodol gyda Chymdeithas Bêl-droed Cymru yn ystod yr wythnosau nesaf, a hynny wedi iddo ddod yn hyfforddwr ar Gymru yn 2012.

‘Trafodaeth ymhen amser’

Mi ddywedodd Chris Coleman wrth y wasg wedi’r gêm neithiwr – “Ni allaf roi ateb yn awr…. Mi fydd trafodaeth ymhen amser ac mae fy nghytundeb yn para tan yr haf.”

Mae’n dweud ei fod am dreulio amser gyda’i deulu yn awr ac y bydd yn trafod gyda’r gymdeithas bêl-droed.

Bu’n rhaid i Joe Allen adael y cae neithiwr gydag anaf i’w ben ac mi ddisgrifiodd Chris Coleman ef yn chwaraewr “hanfodol i sut rydyn ni’n chwarae.”

Mae hefyd wedi llongyfarch rheolwr tîm Iwerddon, Martin O’Neill am “gynllun gêm dda” gan ddymuno’n dda iddyn nhw yn y gemau ail-gyfle ym mis Tachwedd.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd