RSS

Golwg360

MwyCau 

Dyn digartref yn marw yng Nghaerdydd

Hydref 5, 2017 15:08 Diweddarwyd am 15:08


Mae dyn digartref wedi marw mewn hostel yng nghanol Caerdydd, gyda’r gred ei fod wedi cymryd y cyffur ‘Spice’, sy’n fath o ganabis synthetig.

Bu farw’r dyn, oedd yn 52 oed ac wedi bod yn byw ar y strydoedd ers blynyddoedd, yn hostel Tŷ Tresilian, sy’n cael ei redeg gan Gyngor Caerdydd.

Does dim cadarnhad eto ar yr union reswm dros ei farwolaeth ond mae’r Cyngor wedi dweud bod hi’n debygol mai’r cyffur oedd yn gyfrifol.

Mae Heddlu De Cymru bellach wedi arestio dau ddyn – 49 a 22 oed – ar amheuaeth o droseddau yn ymwneud â chyffuriau.

Dywedodd yr heddlu fod ymchwiliad yn parhau i ganfod yr union amgylchiadau ac achos marwolaeth y dyn.

Mae ymdrechion hefyd i geisio cysylltu â’i berthnasau agosaf.

‘Problemau iechyd hirdymor’

Dywedodd y Cyngor fod gan y dyn broblemau iechyd hirdymor ac wedi syrthio gan anafu ei hun sawl tro.

Ychwanegodd Lynda Thorne, aelod Cabinet Cyngor Caerdydd dros Dai fod tîm estyn braich y Cyngor, sy’n gweithio gyda phobol ddigartref yn “hollol ymroddedig”, sydd “ddim yn gadael neb ar ôl.”

Mae golwg360 wedi gofyn am ymateb pellach gan Gyngor Caerdydd.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.